រដ្ឋាភិបាលកម្ពុជាបានឲ្យដឹងថា ជប៉ុននឹងផ្តល់កម្ចីហិរញ្ញប្បទានឥតសំណង និងឥទានសម្បទានដល់កម្ពុជា ដែលមានទំហំទឹកប្រាក់ប្រមាណ១៤០លានដុល្លារអាមេរិក ដើម្បីរៀបចំរចនាសម្ព័ន្ធនិងផ្នែកសុខភាព នៅចុងខែមីនានេះ។
កម្មវិធីគំនិតថ្មីៗសម្រាប់កាត់បន្ថយភាពក្រីក្រ ប្រកាសទទួលពាក្យពីក្រុមហ៊ុនឯកជននានា ក្នុងការស្នើសុំប្រាក់ ដើម្បីយកទៅបង្កើតគំនិតអាជីវកម្មថ្មីៗ ដែលអាចជួយកាត់បន្ថយភាពក្រីក្រ និង ដោះស្រាយបញ្ហាបរិស្ថាន។
មន្ដ្រីរដ្ឋាភិបាល លើកឡើងថា ការបង្កើតច្បាប់សហជីព មិនមានគោលដៅលុបបំបាត់ ឬរិតត្បិតដល់សិទ្ធិរបស់សហជីព និងកម្មករនិយោជិតនោះទេ។ ប៉ុន្ដែសង្គមស៊ីវិល យល់ថា វានឹងប៉ះពាល់ធ្ងន់ធ្ងរដល់សិទ្ធិរបស់ពួកគេ និងជាពិសេស ធ្វើឲ្យវិស័យការងារនៅកម្ពុជា កាន់តែអន់ថយ។
ក្រុមប្រឹក្សាអាជ្ញាកណ្តាលដែលមាននាទីដោះស្រាយវិវាទការងារបានឲ្យដឹងថាបន្ទាប់ពីច្បាប់សហជីពត្រូវបានបង្កើតឡើងចំនួនពាក្យបណ្តឹងបានថយចុះ ដោយសារការកំណត់ពីសមត្ថកិច្ចរបស់សហជីពនៅក្នុងច្បាប់នេះ។
ក្រុមអង្គការសង្គមស៊ីវិល ស្នើឲ្យរដ្ឋាភិបាលផ្អាកការនាំខ្សាច់ចេញទៅក្រៅប្រទេសមួយរយៈសិន ខណៈដែល ខ្សាច់ដែលនាំទៅប្រទេសសិង្ហបុរីមានចំនួនច្រើន ខុសពីរបាយការណ៍របស់រដ្ឋាភិបាល ដោយសង្ស័យថា អាចមានពាក់ព័ន្ធអំពើពុករលួយ។
រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ជំរុញឲ្យពលរដ្ឋទទួលយកការអភិវឌ្ឍន៍ អាគារប៊ូឌីញ (ស) នៅនឹងកន្លែង ខណៈពលរដ្ឋភាគច្រើនចង់បានសំណងជាលុយដើម្បីចាកចេញ។
តួលេខពីអង្គការពាណិជ្ជកម្មក្រៅប្រទេសជប៉ុន (JETRO) បានឲ្យដឹងថា ប្រទេសជប៉ុនបានបង្កើនការវិនិយោគមកក្នុងប្រទេសកម្ពុជា នៅក្នុងរយៈពេលប៉ុន្មានឆ្នាំចុងក្រោយនេះ បើទោះបីជាក្រុមវិនិយោគិនជប៉ុន បានបង្ហាញភាពមិនសប្បាយចិត្តចំពោះប្រតិបត្តិការអាជីវកម្មរបស់ពួកគេ នៅក្នុងប្រទេសដ៏តូចមួយនេះក្ដី។
កាសែតបាងកក ប៉ុស្តិ៍របស់ថៃ ដែលបានដកស្រង់តួលេខពី JETRO បានផ្សាយថា មានក្រុមហ៊ុនជប៉ុនចំនួន ២៥០ បានចុះបញ្ជីនៅក្រសួងពាណិជ្ជកម្មកម្ពុជា នៅឆ្នាំ២០១៥ ពោលគឺបានកើនឡើងពីចំនួន ១៩ក្រុមហ៊ុន នៅឆ្នាំ២០១០ ឬកើនឡើងពីចំនួន ១៧៩ក្រុមហ៊ុន នៅឆ្នាំ២០១៣។
យោងតាមការផ្សាយរបស់កាសែតបាងកកប៉ុស្តិ៍ បានឲ្យដឹងថា ទោះបីជាមិនសប្បាយចិត្តខ្លះទៅនឹងប្រតិបត្តិការអាជីវកម្មរបស់ពួកគេនៅក្នុងប្រទេសកម្ពុជាក្ដី ប៉ុន្តែ ជប៉ុនបានវិនិយោគបន្ថែមទៅក្នុងប្រទេសដ៏តូចមួយនេះ នៅក្នុងរយៈពេលប៉ុន្មានឆ្នាំថ្មីៗនេះ។
កាសែតបាងកកប៉ុស្តិ៍ ដែលបានដកស្រង់ការចុះផ្សាយរបស់ទីភ្នាក់ងារព័ត៌មាន Kyodo បានរាយការណ៍បន្តថា នៅក្នុងចំណោមតួលេខសរុបនៃការវិនិយោគពីបរទេសចូលក្នុងប្រទេសកម្ពុជា នៅឆ្នាំ២០១៥ ប្រទេសជប៉ុនស្ថិតនៅលំដាប់ថ្នាក់ទី ៣ ជាអ្នកវិនយោគធំ ដោយមានក្រុមហ៊ុនចំនួន ២៥០។
ក្រសួងសេដ្ឋកិច្ច ហិរញ្ញវត្ថុ ស្នើឲ្យភាគីពាក់ព័ន្ធទាំងអស់ ដែលទទួលបន្ទុកក្នុងការគ្រប់គ្រងអាជីវកម្ម សេវាកម្មទ្រព្យសម្បត្តិសាធារណៈរបស់រដ្ឋ ចាត់វិធានការចំពោះការប្រមូលភាស៊ី ដើម្បីពង្រឹងការអនុវត្តសៀវភៅបន្ទុកភាស៊ីគ្រប់ប្រភេទតាមដែនសមត្ថកិច្ចទទួលខុសត្រូវ។
កម្មកររោងចក្រអាយសោន ដែលផលិតគ្រឿងអេឡិចត្រូនិចឲ្យក្រុមហ៊ុនទូរសព្ទម៉ាក LG ប្រមាណជាង១០០នាក់ បាននាំគ្នាឡើងមកដាក់ញ្ញាតិនៅក្រសួងការងារសារជាថ្មី ដើម្បីស្វែងរកអន្តរាគមន៍ដោយទាមទារឲ្យរោងចក្រនេះគោរពច្បាប់ការងារ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
