ប្រធានគណបក្សអំណាចខ្មែរ លោក សួន សេរីរដ្ឋា លើកទឹកចិត្តក្រុមគ្រួសាររបស់លោកនាយករដ្ឋមន្រ្តី ហ៊ុន សែន ឲ្យប្តឹងអង្គការគ្លូបល វីតណេស(Global Witness) ដែលបានចេញរបាយការណ៍និយាយពីការរកស៊ីជំនួញធំៗរបស់ត្រកូលហ៊ុន។
បន្ទាប់ពីអង្គការការគ្លូបល វីតណេស(Global Witness)ដែលមានមូលដ្ឋាននៅទីក្រុងឡុងដ៍នៃប្រទេសអង់គ្លេសបានចេញរបាយការណ៍ស្តីពីជំនួញធំៗរបស់ត្រកូលហ៊ុន សែន កូនរបស់សម្តេចនាយករដ្ឋមន្រ្តី២នាក់បានចេញមុខឆ្លើយតបនឹងរបាយការណ៍នេះ។សម្តេច ហ៊ុន សែន នៅរសៀលថ្ងៃព្រហស្បតិ៍នេះបានបង្ហោះរូបភាពថតជុំគ្នាជាមួយកូនរបស់លោកនិងសារដែលកូនពីរនាក់របស់លោក គឺលោកស្រី ហ៊ុន ម៉ាណានិងលោក ហ៊ុន ម៉ានិត បានបង្ហោះលើហ្វេសប៊ុក។
កូនប្រុសរបស់សម្តេចនាយករដ្ឋមន្រ្តី លោក ហ៊ុន ម៉ានិត បានច្រានចោលរបាយការណ៍របស់អង្គការគ្លូបល វីតណេស(Global Witness)ដែលនិយាយពីការរកស៊ីជំនួញធំៗរបស់ត្រកូលហ៊ុន ដោយថារបាយការណ៍នេះ”ពោរពេញដោយកំហុសនិងព័ត៌មានមិនពិត”។លោក ហ៊ុន ម៉ានិត ដែលបច្ចុប្បន្នមានមុខងារជាប្រធាននាយកដ្ឋានស្រាវជ្រាវចារកិច្ចនៃកងយោធពលខេមរភូមិន្ទ បានសរសេរនៅលើហ្វេសប៊ុករបស់លោកនៅព្រឹកថ្ងៃព្រហស្បតិ៍បន្ទាប់ពីរបាយការណ៍របស់អង្គការGlobal Witnessត្រូវបានផ្សព្វផ្សាយតាមសារព័ត៌មានថា៖
របាយការណ៍របស់អង្គការគ្លូបល វីតណេស(Global Witness)បង្ហាញថាសមាជិកគ្រួសារត្រកូលហ៊ុន របស់សម្តេចនាយករដ្ឋមន្រ្តីហ៊ុន សែន បានកាន់កាប់ការរកស៊ីជាច្រើនដែលមានដើមទុនចុះបញ្ជីសរុបទៅ ដល់២០០លានដុល្លារអាមេរិក។នៅថ្ងៃព្រហស្បតិ៍នេះ អង្គការGlobal Witnessដែលមានមូលដ្ឋាននៅទីក្រុងឡុងដ៍នៃប្រទេសអង់គ្លេសបានចេញផ្សាយរបាយការណ៍មួយដែលមានឈ្មោះថាHostile Takeover ដែលរបាយការណ៍នេះត្រូវបានស្រាវជ្រាវនិងចងក្រងតាមរយៈទិន្នន័យសិទ្ធិកាន់កាប់ក្រុមហ៊ុនដែលរដ្ឋាភិបាលតែងតែរឹតបន្តឹងមិនឲ្យគេយកបាន។
ក្រុមហ៊ុនចិនមានគម្រោងសាងសង់ផ្លូវដែកថ្មីមួយខ្សែភ្ជាប់ទៅនឹងកំពង់ផែស្វយ័តភ្នំពេញក្នុងខេត្តកណ្តាល ដោយគ្រោងចំណាយទឹកប្រាក់ប្រមាណ២៥០លានដុល្លារ។
អនុរដ្ឋលេខាធិការទទួលបន្ទុកផ្នែកកំណើនសេដ្ឋកិច្ច ថាមពលនិងបរិស្ថាននៃក្រសួងការបរទេសអាមេរិកលោកស្រីCatherine Novelli បានលើកឡើងពីក្តីបារម្ភថាបញ្ហានយោបាយបច្ចុប្បន្ននេះអាចប៉ះពាល់ដល់ឱកាសវិនិយោគនៅកម្ពុជា។ លោកស្រី Catherine ដែលកំពុងបំពេញទស្សនកិច្ចនៅកម្ពុជារយៈពេល២ថ្ងៃចាប់ពីថ្ងៃទី៩-១០ ខែមិថុនា បានជួបពិភាក្សាការងារជាមួយរដ្ឋលេខាធិការក្រសួងពាណិជ្ជកម្មនិងជារដ្ឋមន្រ្តីស្តីទី លោក គឹម ស៊ីថននិងមន្រ្តីក្រុមប្រឹក្សាអភិវឌ្ឍន៍កម្ពុជា(CDC)។
ក្រសួងការងារនិងបណ្តុះបណ្តាលវិជ្ជាជីវៈសម្រេចយកខែកក្កដា ឆ្នាំ២០១៦ ដើម្បីពិភាក្សាពីលទ្ធភាពនៃការដំឡើងប្រាក់ឈ្នួលអប្បបរមាផ្នែកវាយនភណ្ឌ កាត់ដេរនិងផលិតស្បែកជើង។ យោងតាមសេចក្តីប្រកាសរបស់ក្រសួងការងារចុះថ្ងៃទី០៦ ខែមិថុនា ការពិភាក្សាពីប្រាក់ឈ្នួលអប្បបរមា លក្ខណៈផ្ទៃក្នុងភាគី ត្រូវបានកំណត់ធ្វើនៅខែកក្កដាខាងមុខនេះ ចំណែកការចូលជាធរមានរបស់ប្រាក់ឈ្នួលអប្បបរមានេះនឹងត្រូវធ្វើឡើងនៅថ្ងៃទី១ ខែមករា ឆ្នាំ២០១៧។
លោកនាយករដ្ឋមន្រ្តី ហ៊ុន សែន ក្នុងដំណើរទស្សនកិច្ចនៅប្រទេសរុស្ស៊ី បានស្នើជាថ្មីទៅកាន់រដ្ឋាភិបាលរុស្ស៊ីឲ្យបង្វែរបំណុលជំពាក់រុស្ស៊ីប្រមាណ១៥០០លានដុល្លារដែលខ្ចីរុស្ស៊ីបន្ទាប់ពីការផ្ដួលរំលំរបបខ្មែរក្រហមក្នុងឆ្នាំ១៩៧៩នោះ ទៅជាជំនួយនិងការវិនិយោគរួម។ក្នុងពេលសំណេះសំណាលជាមួយនិស្សិតខ្មែរនៅប្រទេសរុស្ស៊ីនៅថ្ងៃពុធនេះ លោកនាយករដ្ឋមន្រ្តីបានថ្លែងថាបំណុលដែលជំពាក់រុស្ស៊ីជាបំណុលអាចពិនិត្យបាន ដោយលោកបានប្រៀបធៀបទៅនឹងបំណុលជំពាក់អាមេរិកប្រមាណ៤៤៥លានដុល្លារ ដែលលោកចាត់ទុកជា”បំណុលកខ្វក់”មិនអាចពិនិត្យបាន។
រដ្ឋាភិបាលកម្ពុជានិងរុស្ស៊ីកាលពីថ្ងៃអង្គារបានចុះកិច្ចព្រមព្រៀងលើការប្រើប្រាស់ថាមពលនុយក្លេអ៊ែរស៊ីវិល ដោយលោកនាយករដ្ឋមន្ត្រី ហ៊ុន សែន អះអាងនៅចំពោះមុខសមភាគីរបស់ខ្លួនថាកម្ពុជានឹងមិនអនុញ្ញាតឲ្យមានការសាយភាយអាវុធនុយក្លេអ៊ែរនោះទេ។នាយករដ្ឋមន្ត្រីកម្ពុជា លោក ហ៊ុន សែននិងនាយករដ្ឋមន្ត្រីរុស្ស៊ី លោក ឌីមីទ្រី មេដវេដេវ បានធ្វើជាសាក្សីក្នុងពិធីចុះហត្ថលេខាលើកិច្ចព្រមព្រៀងទ្វេភាគីចំនួន៨ នៅទីក្រុងមូស្កូ សហព័ន្ធរុស្ស៊ី កាលពីថ្ងៃអង្គារ។ កិច្ចព្រមព្រៀងទាំងនោះមានដូចជាកិច្ចសហការលើបច្ចេកទេសយោធា អនុស្សរណៈយោគយល់លើប្រព័ន្ធទូរគមនាគមន៍និងប្រព័ន្ធផ្សព្វផ្សាយ អនុស្សរណៈយោគយល់ពីការបង្កើតមជ្ឈមណ្ឌលព័ត៌មានថាមពលនុយក្លេអ៊ែរនៅកម្ពុជានិងអនុស្សរណៈយោគយល់ស្តីពីការបង្កើតក្រុមការងារកម្ពុជា-រុស្ស៊ី ចំពោះកិច្ចសហការលើការប្រើប្រាស់ថាមពលនុយក្លេអ៊ែរស៊ីវិលជាដើម។
រោងចក្រផលិតស្ករសតម្លៃជាង៣៦០លានដុល្លារអាមេរិកដែលជាការវិនិយោគរបស់ក្រុមហ៊ុនចិនត្រូវបានដាក់សម្ពោធឲ្យដំណើរការនៅព្រឹកថ្ងៃអង្គារនេះ ក្រោមអធិបតីភាពរបស់លោកនាយករដ្ឋមន្រ្តី ហ៊ុន សែន។រោងចក្រផលិតស្ករស កៀបទឹកអំពៅ ស្ថិតក្នុងភូមិ ពោធិទាប ឃុំ ម្លូព្រៃ១ ស្រុក ឆែប ខេត្រព្រះវិហារ នៅលើដីសម្បទានសេដ្ឋកិច្ចជាង២០០ហិកតា។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
