ក្រុមអ្នកតវ៉ាប្រឆាំងរដ្ឋាភិបាលអ៊ីសស្រាអែលផ្ទុះឡើងជាថ្មីទៀតនៅថ្ងៃនេះ បន្ទាប់ពីការកើតមានអំពើហិង្សាកាលពីម្សិលមិញ បណ្តាលឲ្យស្លាប់មនុស្សចំនួន៥៥នាក់ និងរាប់សិបនាក់ផ្សេងទៀតរងរបួស។
លោកនាយករដ្ឋមន្រ្តី ហ៊ុន សែន បានកោតសរសើរដល់មន្រ្តីនគរបាលជាតិថា បានបង្កើតស្នាដៃយ៉ាងធំធេងក្នុងការបង្រ្កាបទៅលើអ្វីដែលលោកហៅថា ការឃុបឃិតជាមួយបរទេស ប៉ុនប៉ងផ្ដួលរដ្ឋាភិបាលស្របច្បាប់ ដែលទំនងជាសំដៅដល់ការបង្ក្រាបទៅលើអតីតបក្សប្រឆាំង។
រដ្ឋាភិបាលអះអាងថា ខ្លួនកំពុងជំរុញទៅស្ថាប័នពាក់ព័ន្ធ រកលទ្ធភាពឲ្យកម្មករអាចទិញរថយន្តដំឡើងក្នុងស្រុក យកទៅរត់ឈ្នួល ដឹកកម្មករបាន។
រដ្ឋមន្រ្តីក្រសួងបរិស្ថាន លោក សាយ សំអាល់ ឲ្យដឹងថាក្រសួងនឹងមានវិធានការបិទដេប៉ូឈើទាំងឡាយណាដែលមិនមានច្បាប់និងបានទិញឈើខុសច្បាប់ ដើម្បីជាការទប់ស្កាត់ការកាប់ឈើខុសច្បាប់។
លោកនាយករដ្ឋមន្រ្តី ហ៊ុន សែន បានសរសេរក្នុងទំព័រហ្វេសប៊ុករបស់លោកនៅថ្ងៃសុក្រ ទី៩ ខែកញ្ញានេះថា នាយករដ្ឋមន្រ្តីចិនបានប្រកាសផ្តល់ឲ្យកម្ពុជានាំអង្ករទៅកាន់ប្រទេសចិនចំនួន២០ម៉ឹនតោន ក្នុងមួយឆ្នាំដោយមិនបង់ពន្ធ។
ក្រសួងការពារជាតិបានបកស្រាយជុំវិញការចល័តកម្លាំងយោធានៅក្បែរស្នាក់ការគណបក្សប្រឆាំង នៅសប្តាហ៍នេះថាជាការហ្វឹកហ្វឺនសាកល្បង សមត្ថភាពរបស់កងទ័ព។
តុលាការសហរដ្ឋអាមេរិក បានសម្រេចថានឹងបន្តយកសំណុំរឿងលោក មាជ សុវណ្ណារ៉ា ដែលប្តឹងលោកនាយករដ្ឋមន្ត្រីកម្ពុជា និងកូនប្រុស លោក ហ៊ុន ម៉ាណែត មកចាត់ការតាមនីតិវិធីច្បាប់សហរដ្ឋអាមេរិក ពាក់ព័ន្ធនឹងសំណុំរឿង “ធ្វើភេរវកម្ម” និង “ធ្វើទារុណកម្មតាមរយៈការឃុំខ្លួនស្រេចតែអំពើចិត្ត ក្រៅច្បាប់និងរយៈពេលយូរ”។
លោកនាយករដ្ឋមន្ត្រី ហ៊ុន សែន បានព្រមាននៅចំពោះមុខអ្នកការទូតកុំឲ្យលើកករណីឃុំខ្លួនមន្រ្តីគណបក្សប្រឆាំង ឲ្យលោកដោះលែង ខណៈលោកនៅតែមានការខឹងសម្បានឹងការចោទថា ភរិយានិងកូនរបស់លោកជាប់ឈាមជ័រវៀតណាម។
លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះ បានថ្លែងថាប្រជាពលរដ្ឋបានទទួលផលប្រយោជន៍ពីគណបក្សប្រជាជនកម្ពុជា ក្រោមការដឹកនាំរបស់រូបលោក តែលោកថាពលរដ្ឋមិនពេញចិត្តនឹងមន្រ្តីថ្នាក់ក្រោមមួយចំនួន។ក្នុងពិធីសម្ពោធដាក់ឲ្យប្រើប្រាស់អគាររដ្ឋបាលថ្មីរបស់សាលារាជធានីភ្នំពេញ លោក ហ៊ុន សែន បានថ្លែងថាលោកបានបញ្ជាឲ្យមន្រ្តីថ្នាក់ក្រោមបំពេញសេវាតម្រូវការឲ្យបានឆាប់រហ័ស។ លោកបានបន្ទោសមន្រ្តីថ្នាក់ក្រោមថាធ្វើឲ្យប្រជាពលរដ្ឋថ្នាំថ្នាក់។ លោកបញ្ជាក់ថាប្រជាពលរដ្ឋទទួលបានផលប្រយោជន៍ពីសុខសន្តិភាព ពីហេដ្ឋារចនាសម្ព័ន្ធនិងមុខរបរដែលរដ្ឋបង្កើតបាន ប៉ុន្តែលោកថាពលរដ្ឋមិនសប្បាយនឹងមន្រ្តីមួយចំនួន។
លោកនាយករដ្ឋមន្រ្តី ហ៊ុន សែន នៅថ្ងៃអង្គារនេះ បានថ្លែងថាលោកមិនបានក្តោបអំណាយក្នុងដៃតែម្នាក់ឯងហើយថាលោកក៏មិនដែលបានបំពានការងាររបស់រដ្ឋមន្រ្តីនៅក្រោមឱវាទនោះទេ។ក្នុងពិធីសម្ពោធដាក់ឲ្យប្រើប្រាស់អគាររដ្ឋបាលថ្មីរបស់សាលារាជធានីភ្នំពេញ លោក ហ៊ុន សែន បានថ្លែងថាមានការរិះគន់ថាការរុះរើគណៈរដ្ឋមន្រ្តីគឺដដែលដោយអំណាចមកប្រមូលផ្តុំលើតែរូបលោកតែម្នាក់ឯង។ លោកបានច្រានចោលការលើកឡើងការរិះគន់នេះ ដោយលោកថាលោកមិនដែលបំពានការងាររដ្ឋមន្រ្តីនោះទេ ប៉ុន្តែលោកថាលោកសូមឲ្យតែរដ្ឋមន្រ្តីធ្វើទៅតាមច្បាប់ដែលបានកំណត់។ លោកមានប្រសាសន៍ថា៖ “ខ្ញុំមិនដែលទៅបំពានជាមួយកិច្ចការរដ្ឋមន្រ្តីណាទេ”។ លោកបន្តថារដ្ឋមន្រ្តីខ្លះបានបំពានសិទ្ធិរូបលោក ក្នុងការស្នើតែងតាំងប្រធាននាយកដ្ឋាននានា ដោយលោកថាលោកមិនដែលបានបដិសេធនោះទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
