លោកនាយករដ្ឋមន្ត្រី ថ្លែងថា អាជ្ញាធរ នឹងដាក់ឲ្យរថយន្តក្រុងសាធារណៈដឹកប្រជាពលរដ្ឋមុននិងក្រោយចូលឆ្នាំដោយឥតគិតថ្លៃនៅតាមផ្លូវជាតិមួយចំនួន ដោយថា ដើម្បីជួយសម្រួលដល់ជីវភាពអ្នកធ្វើដំណើរទៅលេងស្រុកកំណើត។
យានយន្តនៅក្នុងប្រទេសកម្ពុជាដែលបានចុះបញ្ជីចាប់ពីឆ្នាំ១៩៧៩ ដល់ឆ្នាំ២០១៦នេះ មានប្រមាណជា៨០ម៉ឺនគ្រឿង ក្នុងនោះមានយានយន្តដែលកំពុងចរាចរណ៍នៅលើផ្លូវសាធារណៈមានប្រមាណជា៤០ម៉ឺនគ្រឿង តែប៉ុណ្ណោះ។
អភិបាលរាជធានីភ្នំពេញ លោក ប៉ា សុជាតិវង្ស បានក្រើនរំលឹកដល់ម្ចាស់អាជីវកម្មផ្គត់ផ្គង់បេតុងលាយទាំងអស់ ឲ្យគោរពតាមសេចក្ដីណែនាំរបស់អាជ្ញាធរ ចំពោះការដឹកជញ្ជូន និងបញ្ឈររថយន្តលាយបេតុងនៅក្នុងទីក្រុងមួយនេះ។
សាលារាជធានីភ្នំពេញ កាលពីយប់មិញនេះ បានឃាត់រថយន្តធុនធំចំនួន ១៨គ្រឿង ដែលសាលារាជធានីភ្នំពេញ អះអាងថា រថយន្តទាំងនោះ ត្រូវបានកែច្នៃខុសលក្ខណៈបច្ចេកទេស និងគ្មានលិខិតអនុញ្ញាតចូលរាជធានីភ្នំពេញ។
អតីតអ្នកបើករថយន្តឲ្យក្រុមហ៊ុនកាពីតូលឲ្យដឹងថា អតីតអ្នកបើកបររថយន្តម្នាក់ទៀតត្រូវបានសមត្ថកិច្ចខេត្តបាត់ដំបងឃាត់ខ្លួន ខណៈពេលធ្វើការចែកចាយខិតប័ណ្ណអំពាវនាវឲ្យសាធារណៈជនផ្អាកប្រើប្រាស់សេវាកម្មក្រុមហ៊ុនកាពីតូល។ លោក វ៉ាន់ ណារ៉ង អតីតអ្នកបើករថយន្តម្នាក់ឲ្យក្រុមហ៊ុនកាពីតូលបានឲ្យវីអូឌីដឹងថា អតីតអ្នកបើករថយន្តឈ្មោះ លី ហុង ត្រូវបានសមត្ថកិច្ចខេត្តបាត់ដំបងឃាត់ខ្លួននៅម៉ោងជាង៩ ព្រឹកថ្ងៃសុក្រនេះ ខណៈពេលលោកធ្វើការចែកខិតបណ្ណ័សុំឲ្យសាធារណៈជនផ្អាកជិះរថយន្តក្រុមហ៊ុនកាពីតូល និងកង់បីរបស់សមាគមរួមគ្នាដើម្បីអភិវឌ្ឍន៍។ លោកថា លោក លី ហុង ត្រូវបានបញ្ជូនទៅសាលាក្រុងបាត់ដំបងដើម្បីធ្វើការសាកសួរ។
ប្រមុខរាជរដ្ឋាភិបាល បញ្ជាឲ្យក្រសួងពាក់ព័ន្ធ ចាត់វិធានការក្រុមហ៊ុនដឹកទំនិញលើសចំណុះបង្កឲ្យខូចទ្រព្យសម្បតិសាធារណៈ និងបង្កគ្រោះថ្នាក់ដល់ជីវិតមនុស្ស ខណៈមន្ត្រីក្រោមឱវាទរបស់លោកមិនទាន់បង្ហាញពីលទ្ធផលនៃចំណាត់ការលើអ្នកបង្កហេតុ។
លោកនាយករដ្ឋមន្ត្រី បានរំឭកនៅលើហ្វេសប៊ុករបស់លោកនាថ្ងៃសៅរិ៍នេះថា កាលពីពេលថ្មីៗនេះ រថយន្តតូចធំ រួមទាំងរថយន្តសណ្តោងខ្នាតដឹកទំនិញយក្សលើសកំណត់ លោកថាជាក់ស្តែង រថយន្តសណ្តោងដឹកទំនិញឆ្លងស្ពានអ្នកលឿង បានបណ្តាលអោយខូចស្ពាន និងករណីមួយទៀត រថយន្តដឹកដីខ្នាតធំ បើកបុកម៉ូតូយុវសិស្សបណ្តាលអោយគ្រោះថ្នាក់ដល់ជីវិត។
លោកនាយករដ្ឋមន្រ្តី ហ៊ុន សែន នៅថ្ងៃព្រហស្បតិ៍នេះ បានបញ្ជាឲ្យចាត់វិធានការលើរថយន្តដែលដឹកលើសកំណត់បើកបរលើស្ពានអ្នកលឿងនិងថាអាចឈានទៅដល់បិទក្រុមហ៊ុននោះ។ក្នុងពេលចូលរួមជាអធិបតីភាពក្នុងពិធីបិទសន្និបាតបូកសរុបការងាររបស់ក្រសួងមហាផ្ទៃ លោក ហ៊ុន សែន បានសរសេរលើហ្វេសប៊ុករបស់លោកថា៖ “ចំពោះឡានដែលដឹកទំនិញលើសកំណត់លើស្ពានអ្នកលឿងគឺត្រូវចាត់វិធានការមិនឲ្យរួចខ្លួន ឬអាចបិទក្រុមហ៊ុនដឹកជញ្ជូនណាដែលមិនគោរពច្បាប់”។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
