អ្នកសារព័ត៌មានម្នាក់ប្តឹងមេអាវុធហត្ថខេត្តមណ្ឌលគិរីពីបទបង្ខាំងមនុស្សដោយខុសច្បាប់
អ្នកសារព័ត៌មានរបស់ទូរទស្សន៍ក្នុងស្រុកមួយប្រចាំខេត្តមណ្ឌលគិរី តាមរយៈមេធាវីរបស់ខ្លួនបានដាក់ពាក្យប្តឹងមេបញ្ជាការកងរាជអាវុធហត្ថខេត្តនេះ ដោយចោទពីបទបង្ខាំងមនុស្សដោយខុសច្បាប់និងគំរាមកំហែង។ កាលពីថ្ងៃទី១១ ខែកុម្ភៈ លោក វ៉ាន់ ទិត្យ អ្នកសារព័ត៌មានរបស់ទូរទស្សន៍ប៉ុស្តិ៍លេខ៩ ប្រចាំខេត្តមណ្ឌលគិរីត្រូវមន្ត្រីកងរាជអាវុធនាំខ្លួនយកទៅសាកសួរពីករណីផ្សាយព័ត៌មានថាមេបញ្ជាការកងរាជអាវុធហត្ថខេត្តលោក សាក់ សារ៉ាង ប្រព្រឹត្តបទល្មើសព្រៃឈើ តែត្រូវដោះលែងវិញក្រោយការសាកសួរអស់រយៈពេលប្រមាណ១ម៉ោង។