សង្គមស៊ីវិល និងរដ្ឋាភិបាល បានសហការគ្នាបង្កើតកម្មវិធីទូរសព្ទដៃ ឬ App ដែលមានឈ្មោះថា «មតិយើង» ដើម្បីឱ្យពលរដ្ឋបញ្ចេញមតិ រិះគន់ កែលម្អ លើការផ្ដល់សេវា ឬអាកប្បកិរិយាខ្វះខាតរបស់មន្ត្រីមូលដ្ឋាន ជាពិសេសអំពើពុករលួយ ដោយរក្សាការសម្ងាត់ និងលាក់អត្តសញ្ញាណអ្នករាយការណ៍។
សង្គមស៊ីវិលមួយចំនួនមើលឃើញថា នៅក្នុងសង្គមមួយ ប្រសិនបើការបម្រើប្រយោជន៍សាធារណៈពីសំណាក់មន្ត្រីរាជការទៅកាន់ពលរដ្ឋ មានភាពលម្អៀងដោយសារនិន្នាការនយោបាយឬក៏ប្រកាន់បក្ខពួក ជាពិសេសការរើសអើងរវាងក្រុមបក្សប្រឆាំង និងបក្សកាន់អំណាចនោះ នឹងនាំឱ្យមានការការបែកបាក់ជាតិ។
ក្រុមមន្ត្រីសង្គមស៊ីវិលលើកឡើងថា រដ្ឋាភិបាលផ្ដល់សេវាអត្រានុកូលដ្ឋានល្អប្រសើរជាងមុន ខណៈការផ្ដល់សេវាផ្នែកអាជីវកម្មនិងការធ្វើជំនួញ អាជ្ញាធរមួយចំនួននៅតែគប់គិតគ្នាប្រព្រឹត្តអំពើពុករលួយជាថ្នូរនឹងការផ្ដល់សេវាឱ្យបានរហ័សនិងទាន់សភាពការណ៍ជូនអ្នកទទួលសេវាទាំងនោះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
