រដ្ឋាភិបាលប្រាប់ពលរដ្ឋក្នុងឃុំព្រះដាក់ ស្រុកបន្ទាយស្រី ខេត្តសៀមរាប ជួយទប់ស្កាត់សំណង់ថ្មី​ និង​អ្នកចំណូលថ្មី ព្រមទាំង​ចៀសវាងប្រើប្រាស់ដីស្នាក់នៅជាប់រមណីយដ្ឋានអង្គរនេះជាកម្មសិទ្ធិ ឬទិញលក់ ខណៈអះអាងថា មិនមានការរុះរើសំណង់និងលំនៅឋានរបស់ពលរដ្ឋនៅឃុំនេះឡើយ។

លោកនាយករដ្ឋមន្ត្រី ហ៊ុន សែន ព្រមាន​ឈប់ផ្តល់​សំណង​ដល់ពលរដ្ឋដែល​រស់នៅខុសច្បាប់ក្នុងតំបន់រមណីយដ្ឋានអង្គរ បើពួកគេ​ជឿតាម​ការញុះញង់​របស់អ្នកនយោបាយ ហើយមិ​នព្រមចាកចេញ ព្រោះតែចង់​នៅតថ្លៃទាមទារ​សំណងខ្ពស់​ជាងអ្វី​ដែលរដ្ឋាភិបាល​បានកំណត់រួចទៅហើយនោះ។