អគ្គីភ័យមួយនៅបានកើតឡើងនៅខណ្ឌឬស្សីកែវរាជធានីភ្នំពេញនៅវេលាម៉ោង៣ទៀបភ្លីថ្ងៃនេះដែលបណ្ដាលផ្ទះប្រជាពលរដ្ឋនៅទីនោះជាច្រើន​ខ្នង​រងការខូចខាត។

នគរបាល បាន​អះអាងថា កម្មករជិត ៣០០​នាក់បម្រើការងារនៅរោងចក្រមួយក្នុងខេត្តតាកែវ បានដួលសន្លាប់ ក្រោយពេល​ពួកគេឃើញកម្មករម្នាក់រងរបួសដៃពេលកំពុងបំពេញការងារ។

សមត្ថកិច្ចឲ្យដឹងថា យ៉ាងហោចណាស់កម្មករ ២០នាក់បានរងរបួសធ្ងន់ស្រាល ខណៈមន្រ្តីអង្គការសង្គមស៊ីវិលថា កម្មករជាង ៣០នាក់បានរងរបួសធ្ងន់ស្រាល​ក្នុងហេតុការណ៍គ្រោះថ្នាក់ចរាចរណ៍មួយ នៅ​ស្រុកកណ្តាលស្ទឹង ខេត្តកណ្តាលនៅថ្ងៃនេះ។

តុលាការកំពូលកាលពីថ្ងៃសុក្រម្សិលមិញ បានសម្រេចឲ្យបន្តឃុំខ្លួនលោក គឹម សុខ អ្នកស្រាវជ្រាវនិងវិភាគបញ្ហាសង្គម ពាក់ព័ន្ធលោកចោទថា គណបក្សកាន់អំណាចស្ថិតនៅពីក្រោយឃាតកម្មលើលោកកែម​ ឡី។​ ក្រោយការបើកសវនាការកាលពីម្សិលមិញ ចៅក្រមសម្រេចតម្កល់សាដីកា កាត់ទោសលោក គឹម សុខ ហើយជាសេចក្តីសម្រេចចុងក្រោយបិទផ្លូវតវ៉ា។​ លោក គឹម សុខ ត្រូវបានសាលាដំបូងរាជធានី​សម្រេចឲ្យជាប់ពន្ធនាគាររយៈពេល១៨ខែ ហើយពេលនេះលោកស្ថិតនៅក្នុងពន្ធនាគារ១៦ខែហើយ។​ លោកគឹម សុខ ធ្លាប់អត្ថាធិប្បាយចោទគណបក្សកាន់អំណាចថា នៅពីក្រោយករណីសម្លាប់លោក កែម ឡី ហើយក៏ថា បក្សកាន់អំណាចមានរៀបចំក្រុមដើម្បីសម្លាប់មនុស្សក្រៅប្រព័ន្ធច្បាប់។ តុលាការបានចោទប្រកាន់លោក គឹម សុខ​ពី​បទ​ចោទ​ញុះ​ញង់​ឱ្យ​ប្រព្រឹត្ត​​បទឧក្រិដ្ឋ​ជា​អាទិ៍​ និង​បរិហារកេរ្ត៍​ជា​សាធារណៈ។​

អគ្គស្នងការនគរបាលជាតិ បាន​ច្រានចោលព័ត៌មានជុំវិញករណីគ្រោះថ្នាក់ចរាចរណ៍លើសម្ដេចក្រុមព្រះ នរោត្ដម រណឫទ្ធិ និងអ្នកម្នាង អ៊ុក ផល្លា ថា មិនមែនជារឿងនយោបាយ និងថា ជាករណីគ្រោះថ្នាក់ចរាចរណ៍សុទ្ធសាធ ដែលបង្កឡើងដោយអ្នកបើកបរ​តាក់ស៊ី។

កម្មករ កម្មការិនីប្រមាណជិត៣០នាក់បានរងរបួសធ្ងន់និងស្រាលក្នុងគ្រោះថ្នាក់ចរាចរណ៍មួយនៅខេត្តកំពង់ស្ពឺព្រឹកមិញនេះ។