លោកនាយករដ្ឋមន្ត្រី ហ៊ុន សែន នៅថ្ងៃនេះ បានបន្តលើកឡើងពីតម្លៃសន្តិភាព ដោយថា ទោះជាស្ថិតក្នុងតម្លៃណាក៏ដោយ ក៏ត្រូវតែថែរក្សាការពារសន្តិភាពឲ្យបាន។ នៅលើទំព័រហ្វេសប៊ុកផ្លូវការរបស់លោកនៅថ្ងៃនេះ លោក ហ៊ុន សែន បានសរសេរថា សន្តិភាព និងការរីកចម្រើនសព្វថ្ងៃនេះ បានផ្ដល់ឲ្យប្រជាពលរដ្ឋមានជីវភាព និងជីវិតរស់នៅកាន់តែល្អប្រសើរ។
គណបក្សសង្គ្រោះជាតិ គ្រោងនឹងជ្រើសតាំងមេដឹកនាំថ្មីរបស់ខ្លួន នៅដើមខែមីនាខាងមុខនេះ បន្ទាប់ពីមេដឹកនាំគណបក្សនេះ បានប្រកាសលាលែងពីតំណែង កាលពីជាង ១០ថ្ងៃមុន។ នៅក្នុងសេចក្ដីប្រកាសព័ត៌មានកាលពីថ្ងៃម្សិលមិញនេះ គណបក្សសង្គ្រោះជាតិ បានប្រកាសថា គណៈបក្សប្រឆាំងមួយនេះ គ្រោងរៀបចំសមាជវិសាមញ្ញមួយ នៅព្រឹកថ្ងៃទី០២ ខែមីនា ខាងមុខនេះ នៅក្នុងទីស្នាក់ការកណ្ដាលរបស់គណបក្ស។
គណបក្សសង្គ្រោះជាតិបដិសេធចូលរួមក្នុងការប្រជុំពិភាក្សា និងអនុម័តសេចក្តីស្នើច្បាប់ស្តីពីវិសោធនកម្មច្បាប់នៃគណបក្សនយោបាយ នៅរដ្ឋសភានៅ ថ្ងៃស្អែកនេះ។ លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិបានប្រាប់វីអូឌីថា តំណាងរាស្ត្រគណបក្សរបស់លោកសម្រេចមិនចូលរួមប្រជុំពិភាក្សា និងអនុម័តច្បាប់ស្តីពីគណបក្សនយោបាយនោះទេ។
កូនប្រុសច្បងរបស់លោកនាយករដ្ឋមន្ត្ រីហ៊ុន សែន គឺលោក ហ៊ុន ម៉ាណែត បានជួបពិភាក្សាអំពីកិច្ចសហប្រតិបត្តិការយោធា និងការប្រឆាំងភេរវកម្មជាមួយភាគីអាមេរិក។ យោងតាមគេហទំព័រស្ថានទូតអាមេរិកប្រចាំកម្ពុជាបានឲ្យដឹងថា លោក ហ៊ុន ម៉ាណែត និងលោក William Heidt បានទទួលទានអាហារថ្ងៃត្រង់កាលពីថ្ងៃទី១៧ខែកុម្ភៈ នៅនិវាសដ្ឋានរបស់លោកឯកអគ្គរដ្ឋទូត។
មន្ត្រីអះអាងថា ការជ្រើសរើសមេបក្សថ្មី មកជំនួសតំណែងលោក សម រង្ស៊ី នឹងត្រូវធ្វើឡើងប្រមាណជាពីរឆ្នាំទៀត ដោយថាជាការអនុវត្តតាមលក្ខខន្តិកៈរបស់គណបក្ស ពោលគឺរក្សាតំណែងប្រធានគណបក្សប្រឆាំងនេះឲ្យនៅទំនេរ ខណៈស្ថានការណ៍នយោបាយកំពុងតានតឹង។
គណបក្សសង្គ្រោះជាតិ នៅរសៀលថ្ងៃនេះ បានសម្រេចប្រគល់សិទ្ធិទៅលោក កឹម សុខា ដឹកនាំជាបណ្ដោះអាសន្ន មុននឹងមានការជ្រើសរើសប្រធានថ្មី។ លោក សម រង្ស៊ី បានប្រកាសលាលែងពីតំណែងជាប្រធានគណបក្សសង្គ្រោះជាតិ កាលពីថ្ងៃម្សិលមិញនេះ ដោយគ្រាន់តែបញ្ជាក់ប្រាប់ថា ដោយសារតែមូលហេតុផ្ទាល់ខ្លួន។
អ្នកវិភាគ និងក្រុមអង្គការសង្គសស៊ីវិលមួយចំនួន បានប្រើបណ្តាញសង្កម បង្ហាញទស្សនៈផ្លាល់ខ្លួនថា ការដែលលោក សម រង្ស៊ី ប្រកាសឈប់ធ្វើជាប្រធានគណបក្សប្រឆាំង ពួកគេថា ជាគំរូបញ្ជាក់ថា មិនក្រាញអំណាច និងថា ជាចរន្តចង់ជំរុញឲ្យដល់គោលដៅនៃផ្លាស់ប្តូរដោយសន្តិវិធី ក្រោយការបោះឆ្នោត។ ក្នុងលិខិតចុះថ្ងៃទី១១ ខែកុម្ភៈ ប្រធានគណបក្សសង្គ្រោះជាតិ លោក សម រង្ស៊ី ដែលកំពុងរស់នៅនិរទេសខ្លួននៅឯក្រៅប្រទេសនោះ បានប្រកាសថា លោកសុំឈប់ធ្វើជាមេបក្សប្រឆាំងដ៏ធំមួយនេះ ចាប់ពីថ្ងៃចុះហត្ថលេខានេះទៅ ដោយគ្រាន់តែប្រាប់ថា មានមូលហេតុលផ្ទាល់ខ្លួន។
អ្នកវិភាគនយោបាយកម្ពុជា លោកបណ្ឌិត មាស នី បានចាត់ទុកការលាលែងពីតំណែងរបស់លោក សម រង្ស៊ី ជាគំរូមួយសម្រាប់អ្នកដឹកនាំកម្ពុជា ដែលមិនលោភលន់នឹងអំណាច។ក្នុងលិខិតមួយច្បាប់ដាក់ទៅគណៈកម្មាធិការអចិន្ត្រៃយ៍ និងគណៈកម្មាធិការនាយកនៃគណបក្សសង្គ្រោះជាតិកាលពីថ្ងៃម្សិលមិញនេះ លោក សម រង្ស៊ី បានប្រកាសថា លោកបានលាលែងពីតំណែងជាប្រធានបក្សប្រឆាំងដ៏ធំមួយនេះ ចាប់ពីថ្ងៃម្សិលមិញតទៅ។
អនុប្រធានគណបក្សសង្គ្រោះជាតិ លោក កឹម សុខា នៅថ្ងៃនេះ បានចាត់ទុកថា ជាការសម្រេចចិត្តប្រកបដោយកិត្តិយស ដើម្បីផលប្រយោជន៍ជាតិ និងគណបក្សជាធំ។ ក្នុងលិខិតមួយច្បាប់ដាក់ទៅគណៈកម្មាធិការអចិន្ត្រៃយ៍ និងគណៈកម្មាធិការនាយកនៃគណបក្សសង្គ្រោះជាតិកាលពីថ្ងៃម្សិលមិញនេះ លោក សម រង្ស៊ី បានប្រកាសថា លោកបានលាលែងពីតំណែងជាប្រធានបក្សប្រឆាំងដ៏ធំមួយនេះ ចាប់ពីថ្ងៃម្សិលមិញតទៅ។
មេដឹកនាំបក្សប្រឆាំងកម្ពុជា លោក សម រង្ស៊ី បានចាត់ទុកខ្លួនលោកថា នៅតែជានិមិត្តរូបនៃការប្រឆាំងនឹងរបបផ្ដាច់ការ និងអំពើពុករលួយនៅក្នុងប្រទេសកម្ពុជា បើទោះបីជាគណបក្សកាន់អំណាចគ្រោងកែប្រែច្បាប់បោះឆ្នោត ក្នុងបំណងរាំងខ្ទប់ផ្លូវនយោបាយលោកក៏ដោយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
