អ្នកស្រី មួរ សុខហួរ អំពាវនាវទៅពលរដ្ឋឲ្យរើសមេដឹកនាំមូលដ្ឋានមានឆន្ទៈដូចអតីតមេបក្សប្រឆាំង
អនុប្រធានគណបក្សសង្គ្រោះជាតិ អ្នកស្រី មួរ សុខហួរ បានអំពាវនាវទៅដល់ប្រជាពលរដ្ឋ ឲ្យជ្រើសរើសថ្នាក់ដឹកនាំទៅតាមឃុំសង្កាត់ ដែលមានឆន្ទៈការពារផលប្រយោជន៍ជាតិ និងរកយុត្តិធម៌ជូនប្រជាពលរដ្ឋ ដូចអតីតមេដឹកនាំបក្សប្រឆាំង លោក សម រង្ស៊ី។ នៅក្នុងវីដេអូដែលបង្ហោះនៅលើទំព័រហ្វេសប៊ុករបស់លោក សម រង្ស៊ី នៅព្រឹកថ្ងៃនេះ អ្នកស្រី មួរ សុខហួរ បានថ្លែងថា អ្នកស្រីចង់ឲ្យពលរដ្ឋរួមគ្នាកសាងសង្គមមួយ តាមរយៈការជ្រើសរើសថ្នាក់ដឹកនាំឃុំសង្កាត់ល្អ មានសីលធម៌ មានឆន្ទៈរកយុត្តិធម៌ជូនពលរដ្ឋ