បរិវត្តកម្មហិរញ្ញវត្ថុ មានការវិវត្តយ៉ាងឆាប់រហ័សនៅក្នុងបណ្ដាប្រទេសមួយចំនួននៃសមាគមប្រជាជាតិអាស៊ីអាគ្នេយ៍ (អាស៊ាន) តាមរយៈការកើនឡើងនៃការទូទាត់សាច់ប្រាក់តាមបែបឌីជីថល។ និន្នាការនេះបានរួមចំណែកយ៉ាងសំខាន់ក្នុងការជំរុញដល់កំណើនសេដ្ឋកិច្ចរបស់ប្រទេសក្នុងតំបន់ ហើយវាក៏ត្រូវបានពន្លឿនបន្ថែមទៀតនៅអំឡុងពេលនៃការឆ្លងរាតត្បាតនៃជំងឺកូវីដ-១៩ផងដែរ។
នាពេលបច្ចុប្បន្ន គេអាចសង្កេតឃើញថាហាងកាហ្វេ ហាងលក់ទំនិញ និងភោជនីយដ្ឋានជាច្រើននៅទូទាំងប្រទេសកម្ពុជាបានដាក់តាំងនូវកូដ QR សម្រាប់ឱ្យអតិថិជនរបស់ខ្លួនស្កេនដើម្បីទូទាត់ប្រាក់។ ប៉ុន្តែ បច្ចេកវិទ្យានេះមិនត្រូវបានប្រើប្រាស់ទូលំទូលាយនោះទេកាលពី៣ឆ្នាំមុន។ វាក៏មិនមានមនុស្សច្រើនទេដែលស្គាល់ថាអ្វីជាកូដ QR នោះ ទោះបីជានៅក្នុងចំណោមប្រជាជននៅទីប្រជុំជនក៏ដោយ។ ជាការពិតណាស់ ប្រទេសកម្ពុជាកំពុងដំណើរការធ្វើបរិវត្តកម្ម (Transformation) ឌីជីថលដ៏លឿនក្នុងវិស័យជាច្រើន ហើយរាជរដ្ឋាភិបាលមានផែនការជំរុញបរិវត្តកម្មនេះបន្ថែមទៀត តាមរយៈការដាក់ចេញនូវគំនិតផ្តួចផ្តើមជាច្រើន រួមមាន សេវាប្រកាសពន្ធអាជីវកម្មតាមប្រព័ន្ធអនឡាញ សេវាចុះបញ្ជីអាជីវកម្មតាមប្រព័ន្ធអនឡាញ និងសេវាកម្មសាធារណៈដទៃជាដើម។
ប្រព័ន្ធអប់រំដែលមានគ្រូបង្រៀនដោយផ្ទាល់ ទល់មុខគ្នាជាមួយសិស្ស ក្នុងថ្នាក់រៀនដែលមានជញ្ជាំងបួនបិទជិត ទំនងក្លាយជាប្រព័ន្ធអប់រំបុរាណមួយដែលមិនផ្ដល់លទ្ធភាពទូលំទូលាយសម្រាប់សិស្សជាច្រើននៅតំបន់ជនបទដែលមានជីវភាពខ្វះខាតទេ។ ផ្ទុយទៅវិញ ការអភិវឌ្ឍថ្នាក់រៀនឥតជញ្ជាំង ឬថ្នាក់រៀនអនឡាញ ឬហៅម្យ៉ាងទៀតថា ថ្នាក់ឌីជីថល អាចនឹងផ្ដល់ឱកាសជោគជ័យស្មើភាពគ្នា ទាំងសម្រាប់សិស្សានុសិស្សនៅទីក្រុងឬទីប្រជុំជន ក៏ដូចជាសិស្សានុសិស្សនៅតាមតំបន់ជនបទផងដែរ។
រដ្ឋមន្ត្រីក្រសួងប្រៃសណីយ៍ និងទូរគមនាគមន៍ អះអាងថា ប្រជាជនកម្ពុជាមិនដល់៣០ភាគរយទេដែលមានចំណេះដឹងផ្នែកឌីជីថល ឬបច្ចេកវិទ្យាអេឡេត្រូនិចកម្រិតមូលដ្ឋាន ហើយពលរដ្ឋប្រមាណ៧០ភាគរយទៀតគ្មានចំណេះដឹងមួយនេះឡើយ ខណៈព័ត៌មានក្លែងក្លាយ កំពុងកើនឡើងនិងគំរាមកំហែងដល់អ្នកប្រើប្រាស់នាពេលបច្ចុប្បន្ន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
