អាជ្ញាធរថៃបានជំរុញឲ្យសាធារណជនស្នាក់នៅក្នុងផ្ទះសម្បែងនិងទទួលទានទឹកឲ្យបានច្រើន ដើម្បីទប់ទល់នឹងអាកាសធាតុដ៏ក្ដៅហួតហែង ខណៈប្រទេសនេះកំពុងប្រឈមនឹងរលកកម្ដៅរយៈពេលវែងបំផុតនៅក្នុងរយៈពេល៦៥ឆ្នាំចុងក្រោយមកនេះ។
អ្នកសម្របសម្រួលអង្គការសហប្រជាជាតិនៅថ្ងៃព្រហស្បតិ៍នេះ បានអំពាវនាវដល់មេដឹកនាំសហរដ្ឋអាមេរិក និងរុស្ស៊ីឲ្យជួយការពារបទឈប់បាញ់មានអាយុកាល២ខែនៅក្នុងប្រទេសស៊ីរីនិងស្ដារឡើងវិញដំណើរការសន្តិភាពដែលខូចខាត។
ប្រទេសអូស្ត្រាលីនិងប៉ាពួញូវហ្គីណេ នឹងរៀបចំកិច្ចពិភាក្សាបន្ទាន់មួយអំពីជោគវាសនាជនស្វែងរកសិទ្ធិជ្រកកោន៩០០នាក់ បន្ទាប់ពីប្រទេសប៉ាពួញូវហ្គីណេ ប្រកាសពីការបិទមជ្ឈមណ្ឌលឃុំខ្លួននៅលើដែនកោះដែលបណ្ដាលឲ្យគោលនយោបាយអន្តោប្រវេសន៍ដ៏តឹងតែងរបស់អូស្ត្រាលីស្ថិតក្នុងភាពមិនច្បាស់លាស់ចំពេលពេលយុទ្ធនាការបោះឆ្នោតសកល។
ប្រធានាធិបតីចិនលោក ស៊ី ជិនពីង បានថ្លែងនៅថ្ងៃព្រហស្បតិ៍នេះនៅឯកិច្ចប្រជុំសន្តិសុខជាមួយរដ្ឋមន្ត្រីការបរទេសមកពីតំបន់អាស៊ីថា ប្រទេសចិននឹងមិនអនុញ្ញាតឲ្យសន្តិសុខនៅលើឧបទ្វីបកូរ៉េមានបញ្ហាអាក្រក់នោះឡើយ។
ជនសង្ស័យនៃករណីវាយប្រហារភេរវកម្មទីក្រុងប៉ារីស សាឡះ អាប់ដេស្លាម ត្រូវបានអាជ្ញាធរប៊ែលហ្សិកប្រគល់ទៅអាជ្ញាធរបារាំងកាលពីថ្ងៃពុធម្សិលមិញ។ នេះដោយយោងទៅតាមការផ្សាយរបស់ទីភ្នាក់ងារព័ត៌មាន AFP ដែលបានដកស្រង់សម្ដីរបស់ព្រះរាជអាជ្ញាសហព័ន្ធរបស់ប្រទេសប៊ែលហ្សិក។
ក្រុមមន្ត្រីចិននិងឥណ្ឌូណេស៊ីបានប្ដេជ្ញាពង្រឹងទំនាក់ទំនងសន្តិសុខ កិច្ចសហប្រតិបត្តិការជើងទឹក និងការវិនិយោគផ្នែកហេដ្ឋារចនាសម្ព័ន្ធ បន្ទាប់ពីមានវិវាទផ្នែកកាទូតជុំវិញអ្វីដែលប្រទេសឥណ្ឌូណេស៊ីហៅថា ជាការរំលោភលើអធិបតេយ្យភាពរបស់ខ្លួនពីសំណាក់កងនាវាល្បាតចិន។
កូនប្រុសរបស់លោក Mann Win Khaing Than ប្រធានថ្មីរបស់សភាមីយ៉ាន់ម៉ា បានលាលែងពីតំណែងជាជំនួយការផ្ទាល់របស់ឪពុករបស់លោក បន្ទាប់ពីការិយាល័យប្រធានាធិបតីបានចេញបទបញ្ជាមួយហាមឃាត់មិនឲ្យមន្ត្រីរដ្ឋាភិបាលយកសាច់ញាតិធ្វើជាជំនួយការផ្ទាល់។
ប្រទេសកូរ៉េខាងជើងបានប្រកាសថា គណបក្សកាន់អំណាចរបស់ប្រទេសនេះគឺគណបក្សកម្មករ (Workers Party) នឹងធ្វើសមាជដ៏កម្ររបស់ខ្លួននៅថ្ងៃទី៦ ខែឧសភា ដែលសមាជនេះគឺជាសមាជលើកទី១ក្នុងរយៈពេលជិត៤០ឆ្នាំមកនេះ។
រដ្ឋាភិបាលថៃគ្រោងបញ្ចេញអង្ករទាំងអស់នៅក្នុងស្ដុករបស់ខ្លួនចំនួន១១,៤លានតោន លក់ឲ្យអស់ក្នុងរយៈពេលពីរខែក្នុងតម្លៃសរុបប្រមាណ១០០ពាន់លានបាត (ប្រហែល២៨៣៩លានដុល្លារ) ដោយចាប់ផ្តើមពីសប្ដាហ៍ក្រោយទៅ។
រដ្ឋាភិបាលជប៉ុនកំពុងត្រៀមរៀបចំថវិកាបន្ថែមជាង៥០០ពាន់លានយ៉ន់ (៤,៥ពាន់លានដុល្លារ) សម្រាប់ការកសាងឡើងវិញតំបន់នៅភាគខាងត្បូងដែលបានរងប៉ះពាល់ដោយគ្រោះរញ្ជួយដីនាពេលថ្មីៗនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
