រដ្ឋាភិបាលកម្ពុជានៅតែមិនទាន់បង្ហាញពីព័ត៌មានពាក់ព័ន្ធប្រេងឆៅជិត៣០ម៉ឺនបារ៉ែល ឬស្មើជិត៤៧លានលីត្រ ដែលត្រូវបានគេលួចដឹកចេញពីកម្ពុជាកាលពីពាក់កណ្ដាលឆ្នាំមុន ខណៈសង្គមស៊ីវិលថា ការបន្តបិទបាំងព័ត៌មាននេះនាំឱ្យខាតបង់ទាំងទ្រព្យសម្បត្តិជាតិ និងប៉ះពាល់ដល់កិត្តិយសក្នុងនាមប្រទេសមួយ។
ក្រសួងរ៉ែ និងថាមពល បានបញ្ជាក់នៅថ្ងៃសុក្រនេះថា រដ្ឋាភិបាលនៅមិនទាន់បានទទួលដំណឹងជាផ្លូវការណាមួយទាក់ទិនស្ថានភាពប្រេងឆៅជិត៣០ម៉ឺនបារ៉ែល ដែលបានដាក់ស្នើសុំបញ្ជូនត្រឡប់ពីប្រទេសឥណ្ឌូនេស៊ីមកកម្ពុជាវិញនៅឡើយទេ។
ក្រសួងរ៉ែ និងថាមពល អះអាងថា ការចាប់ខ្លួនក្រុមនាវិកនិងនាវាពាក់ព័ន្ធនឹងបទល្មើសលួចប្រេងនៅកម្ពុជានៅក្នុងទឹកដីឥណ្ឌូនេស៊ី នាពេលកន្លងទៅ ដោយសារតែមានកិច្ចសហការល្អរវាងប្រទេសជាសមាជិកអាស៊ាន។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
