ម្ចាស់អាជីវកម្មមួយចំនួននៅរាជធានីភ្នំពេញ បានស្នើទៅអាជ្ញាធរឬរដ្ឋាភិបាលគប្បីពិចារណាអនុញ្ញាតឱ្យពួកគាត់អាចបើកដំណើរការអាជីវកម្មរបស់ខ្លួនឡើងវិញ ដោយសន្យាធានាអនុវត្តតាមវិធានការសុខាភិបាលឱ្យបានម៉ឺងម៉ាត់ ត្បិតការផ្អាកដំណើរការរកស៊ីរបស់ពួកគេយូរពេកនឹងឈានទៅដួលរលំមិនខាន។
ពលករមួយចំនួនដែលត្រឡប់ពីប្រទេសថៃ បង្ហាញការព្រួយបារម្ភគ្មានប្រាក់សងធនាគារនិងដោះស្រាយបញ្ហាជីវភាពប្រចាំថ្ងៃ ខណៈបច្ចុប្បន្ន ពួកគេកំពុងជាប់ធ្វើចត្តាឡីស័ក ហើយខ្លះឆ្លងជំងឺកូវីដ-១៩ ម៉្យាងពេលចេញពីកន្លែងធ្វើចត្តាឡីស័កត្រឡប់ទៅផ្ទះវិញ ក៏គ្មានការងារធ្វើថែមទៀត។
រដ្ឋាភិបាលបានសម្រេចឱ្យម្ចាស់យានយន្តឯកជនដែលកំពុងជ្រកក្រោមផ្លាកលេខរដ្ឋ ត្រូវគោរពច្បាប់និងបង់ពន្ធចូលរដ្ឋស្របតាមច្បាប់ ក្រោយរកឃើញយានយន្តទាំងនោះរាប់រយគ្រឿងមិនបានបំពេញកាតព្វកិច្ចបង់ពន្ធ។
អ្នកតាមដានសង្គម បង្ហាញក្តីបារម្ភពាក់ព័ន្ធនឹងតម្លាភាពនៃការចាយវាយថវិការបស់រដ្ឋាភិបាលកម្ពុជាទៅលើការគ្រប់គ្រងស្ថានភាពជំងឺកូវីដ-១៩ ខណៈការចំណាយបានរីកធំ បើធៀបនឹងគម្រោងកាលពីដើមទីត្រឹមតែ៣០លានដុល្លារសហរដ្ឋអាមេរិកតែប៉ុណ្ណោះ។
ក្រសួងសេដ្ឋកិច្ច និងហិរញ្ញវត្ថុ បានទម្លាក់ការព្យាករកំណើនសេដ្ឋកិច្ចឆ្នាំ២០២១ពី ៤% មកនៅត្រឹម ២,៤% វិញ បន្ទាប់ពីការឆ្លងរីករាលដាលនៃជំងឺកូវីដ-១៩នៅក្នុងសហគមន៍បាននិងកំពុងបន្ទច់បង្អាក់យ៉ាងខ្លាំងដល់សកម្មភាពសេដ្ឋកិច្ចនិងពាណិជ្ជកម្ម។
ឪពុកម្តាយមួយចំនួននៅរាជធានីភ្នំពេញនិងតាមបណ្តាខេត្ត បានលើកឡើងពីផលលំបាកទ្វេដងនៅក្នុងអំឡុងពេលវិបត្តិនៃជំងឺកូវីដ-១៩ដែលបានអូសបន្លាយអស់រយៈពេលជាង១ឆ្នាំកន្លងមកនេះ ដោយថា ពួកគេត្រូវទទួលបន្ទុកកាន់តែច្រើនជាងមុន ដើម្បីមើលថែកូនៗនិងការសិក្សារបស់កូនផង និងត្រូវរកចំណូលដើម្បីទ្រទ្រង់ជីវភាពផង។
ប្រជាពលរដ្ឋមួយចំនួនដែលជំពាក់បំណុលធនាគារនិងមីក្រូហិរញ្ញវត្ថុ សម្តែងការព្រួយបារម្ភជាថ្មីទៀត ដោយសារពួកគេប្រឈមនឹងការសងបំណុលទាំងប្រាក់ដើមនិងការប្រាក់ ខណៈជំងឺកូវីដ-១៩នៅតែបន្តអូសបន្លាយ។
មន្រ្តីសហជីពការងារប្រចាំខេត្តបន្ទាយមានជ័យ លើកឡើងថា បុគ្គលិកកាស៊ីណូប្រមាណ៩០ភាគរយនៅក្រុងប៉ោយប៉ែត កំពុងបាត់បង់ការងារដោយសារបញ្ហារីករាលដាលនៃជំងឺកូវីដ-១៩ ក្រោយអាជីវកម្មល្បែងនៅតំបន់ជាប់ព្រំដែនប្រទេសថៃមួយនេះបន្តបិទទ្វារ។
ភ្ញៀវទេសចរអន្តរជាតិធ្វើដំណើរមកប្រទេសកម្ពុជាមានការថយចុះជាង៩១ភាគរយ (៩១,៣%) ខណៈប្រជាពលរដ្ឋកម្ពុជាចេញទៅក្រៅប្រទេសថយចុះជិត១០០ភាគរយ (៩៦,៦%) គិតត្រឹមឆមាសទី១ ឆ្នាំ២០២១ ហើយចំនួននេះមានការថយចុះដូចគ្នា បើប្រៀបធៀបទៅឆមាសទី១ ឆ្នាំ២០២០។
ជនជាតិដើមភាគតិច បានលើកឡើងថា ការរាលដាលជំងឺកូវីដ-១៩បានធ្វើឱ្យប៉ះពាល់ធ្ងន់ធ្ងរដល់ជីវភាពរស់នៅនិងប្រពៃណីទំនៀមទម្លាប់របស់ពួកគេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
