បើទោះជាពិធីករល្បីឈ្មោះលោក សាន់ ពិសាល បានអះអាងថាខ្លួននឹងដាក់បណ្ដឹងទៅលើអតីតគូស្នេហ៍គឺនាង សេង រ៉ាវី ពីបទគំរាមកំហែងទារប្រាក់ និងពីបទបរិហាកេរ្តិ៍ក៏ដោយ ក៏ពាក្យបណ្ដឹងនោះត្រូវបានភាគីគូជម្លោះអះអាងថា មិនទាន់ធ្លាក់ដល់ដៃតុលាការនោះឡើយ។
ការប្រកួតកាលពីថ្ងៃអាទិត្យទី២៨ ខែកុម្ភៈ នៅលើសង្វៀនទូរទស្សន៍អាស៊ីអាគ្នេយ៍ កីឡាករកម្ពុជា សេក គឹមរួន បានធ្វើឲ្យមានការភ្ញាក់ផ្អើលយ៉ាងខ្លាំង បន្ទាប់ពីបានប្រើស្នៀតមិនដល់មួយទឹក តែអាចធ្វើឲ្យគូប្រកួតបោះបង់ការតស៊ូ។ យ៉ាងណាក៏ដោយ សម្រាប់គូនេះ ភាគីខាងថៃបានប្រកាសសងសឹកដោយអះអាងថាមិនអស់ចិត្ត។
ខណៈដែលមន្ទីរពេទ្យគន្ធបុប្ផានៅតែបន្តដង្ហោយស្វែងរកជំនួយមនុស្សធម៌ ដើម្បីជៀសវាងបញ្ហាបិទទ្វារ និងដើម្បីឲ្យមានលទ្ធភាពជួយដល់កុមារកម្ពុជាបន្តទៀតនោះ តារាសិល្បៈយ៉ាងច្រើនកុះករបានបង្ហាញឆន្ទៈរួមដៃគ្នាសម្រាប់បេសសកម្មនេះ ដោយអះអាងថានឹងបន្តជួយដល់មន្ទីរពេទ្យមួយនេះ។
តារាចម្រៀងល្បីឈ្មោះប្រចាំផលិតកម្មសាន់ដេ លោក ខេមរៈ សិរីមន្ត បានចេញមុខទទួលស្គាល់ថា ប្អូនស្រីលោកគឺកញ្ញា ខេមរៈ ស្រីពៅ ពិតជាមានបញ្ហាសុខភាពមែន តែលោកអះអាងថានាងមានបញ្ហាបំពង់ក និងពោះវៀនក្រពះ មិនមែនបញ្ហាស្បែកដូចពាក្យចចាមអារ៉ាមនោះទេ។ ការចេញមុខបកស្រាយរបស់តារាល្បីឈ្មោះរូបនេះធ្វើឡើងក្រោយពីមានពាក្យចចាមអារ៉ាមបែកខ្ទរខ្ទារថា តារាចម្រៀងផលិតកម្មសាន់ដេកញ្ញា ខេមរៈ ស្រីពៅ ដែលត្រូវជាប្អូនស្រីរបស់លោកមានបញ្ហាស្បែកធ្ងន់ធ្ងរដោយសារតែនាងប្រើឡេខុស និងកំពុងសម្ងំព្យាបាលនៅក្រៅប្រទេស។
ជម្លោះនៅលើបណ្ដាញហ្វេសប៊ុកកាន់តែបែកផ្សែងខ្លាំងឡើងរវាងពិធីករទូរទស្សន៍ហង្សមាសលោក សាន់ ពិសាល និងនារីម្នាក់ដែលអះអាងថាគឺជាអតីតប្ដីប្រពន្ធនឹងគ្នា។ អ្នកទាំងពីរមិនត្រឹមតែប្រើប្រព័ន្ធហ្វេសប៊ុក ដើម្បីធ្វើការបំផ្លាញដល់កិត្តិយសគ្នាប៉ុណ្ណោះទេ ប៉ុន្តែក៏បានបោះជំហានឈានដល់ដល់ជម្រើសប្រើផ្លូវច្បាប់ ដើម្បីដោះស្រាយជម្លោះដាក់គ្នាផងដែរ។
ក្នុងប៉ុន្មានថ្ងៃនេះ កាន់តែបែកខ្ទរខ្លាំងនូវព័ត៌មានថាតារាចម្រៀងផលិតកម្មសាន់ដេ កញ្ញា ខេមរៈ ស្រីពៅ ដែលត្រូវជាប្អូនស្រីរបស់លោក ខេមៈ សិរីមន្ត បានទទួលមរណភាពនិងខ្លះថាកំពុងសម្ងំទៅព្យាបាលនៅក្រៅប្រទេសដោយសារតែនាងប្រើឡេខុស។ ប៉ុន្តែឆ្លើយតបនឹងបញ្ហានេះ បងប្រុសរបស់នាងបានប្រកែក ដោយអារម្មណ៍មិនភ្ញាក់ផ្អើលនិងចាត់ទុកថានោះគ្រាន់តែជារឿងធម្មតារបស់តារាល្បីម្នាក់។
នៅទីបំផុត តារាចម្រៀងពហុជំនាញ ខាត់ សុឃីម បានប្រកាសប្ដូរចិត្តលែងលក់ផ្ទះនៅផ្សារដេប៉ូ បើទោះជាអ្នកនាង និងស្វាមីបានប្រកាសក្ដែងៗថាមិនកែប្រែជំហរនោះ។ យ៉ាងណាក៏ដោយ អ្នកនាងបញ្ជាក់ថា ហេតុផលដែលនាំឲ្យខ្លួនស្ដោះហើយលេបវិញនោះគឺដោយសារតែមានសម្ពាធផ្ទួនៗធ្វើឲ្យប៉ះពាល់ដល់ជីវភាព និងផ្លូវចិត្តប៉ុណ្ណោះ។
មួយថ្ងៃបន្ទាប់ពីសាលាដំបូងរាជធានីភ្នំពេញប្រកាសឲ្យដឹងពីកាត់ទោសចំពោះលោកឧកញ៉ាសុខ ប៊ុន ពីបទប្រើអំពើហិង្សាលើអតីតពិធីការិនីCTNកញ្ញាសាសា ឪពុករបស់នាងបានអះអាងថាការកាត់ទោសនោះគឺលោកពេញចិត្ត។ កាលពីថ្ងៃទី១៥ ខែកុម្ភៈ តុលាការរាជធានីភ្នំពេញបានសម្រេចកាត់ទោស លោក សុខ ប៊ុន អតីតប្រធានសមាគមអ្នកវាយតម្លៃ អចលនទ្រព្យនៅកម្ពុជា ឲ្យជាប់ពន្ធនាគាររយៈពេល៣ឆ្នាំនិងពិន័យជាប្រាក់ចំនួន៦លានរៀល។
នៅដើមឆ្នាំ២០១៦នេះ គេកត់សម្គាល់ថាទីផ្សារចេញសម្ដែងរបស់កញ្ញា នី មុន្នីនាថ រួមតូចជាងមុន បើធៀបនឹងរយៈពេលដូចគ្នាកាលដើមឆ្នាំ២០១៥។ មកទល់ពេលនេះ កញ្ញាទើបតែមានការសម្ដែងមួយរឿងប៉ុណ្ណោះ ប៉ុន្តែសាមីខ្លួនបានអះអាងថា ហេតុផលនៃការធ្លាក់ចុះគឺដោយសារកញ្ញាបានប្រកាសដំឡើងតម្លៃខ្លួនដាច់ឆ្ងាយពីឆ្នាំចាស់ និងដោយសារកញ្ញាចាប់ផ្ដើមរឹតត្បិតការទទួលសម្ដែងទៅវិញទេ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
