បើទោះជាបេក្ខជនដែលបានល្បីឈ្មោះពីកម្មវិធី Cambodian Idol លោក ម៉ៅ ហាជី នៅមិនព្រមផ្ដល់សម្ភាសន៍នៅឡើយ ពាក់ព័ន្ធនឹងដំណឹងបញ្ចប់ទំនាក់ទំនងជាមួយប្រពន្ធ និងកូនប្រុសក្រៅចំណងអាពាហ៍ពិពាហ៍នៅខេត្តបាត់ដំបង ក៏ប្រភពកាន់តែច្រើនអះអាងថា នោះជាដំណឹងពិតប្រាកដ។
ផ្ទុយពីការគិតទុក កីឡាករមាស ច័ន្ទមាន បែរជាអាចវាយឲ្យកីឡាករជើងខ្លាំងរបស់ថៃឈ្មោះSuper Boy សន្លប់ទាល់តែបាន ដោយនោះជាលទ្ធផលសន្លប់ឈរលើរេញនោះទៅទៀត។ ការប្រកួតដែលបានធ្វើឡើងនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃទី៣ មេសានេះ ធ្វើឲ្យអ្នកទស្សនាជក់ចិត្តយ៉ាងខ្លាំង ដោយទម្រាំឆ្មក់បានឱកាសឈ្នះថៃ កីឡាករកម្ពុជាខ្លួនឯងក៏ប៊ិះនឹងសន្លប់ដូចគ្នា។
ឆ្លើយតបនឹងការរិះគន់ថាហង្សមាសលើកស្ទួយមិនស្មើគ្នា ទើបធ្វើឲ្យម្ចាស់ជ័យលាភី The Voice Cambodia រដូវកាលទី១ លោក ប៊ុត សីហា មិនសូវលេចធ្លោ តារាចម្រៀងរូបនេះបានអះអាងថា បញ្ហានោះគឺហង្សមាសមិនខុសនោះទេ។ ផ្ទុយទៅវិញ លោកបានបន្ទោសខ្លួនឯងថា លោកជាអ្នកបោះបង់ឱកាសខ្លួនឯង ទើបធ្វើឲ្យកេរ្តិ៍ឈ្មោះហាក់នៅមានកម្រិត បើធៀបនឹងមិត្តរួមក្រុម ជាពិសេសគឺ នី រតនា ដែលទើបទទួលពានពីកម្មវិធីលំដាប់ថ្នាក់ពិភពលោកដូចគ្នា។
ខុសពីតារាកំប្លែងរួមក្រុមដូចជា នាយពែកមី នាយក្រូច នាយចឺម និងនាងខ្ញុង ដែលសុទ្ធតែអះអាងថាសល់ផ្ទះសល់សម្បែង និងមុខរបររកស៊ីពីចំណូលក្នុងសិល្បៈនោះ នាយគ្រឿន ដែលត្រូវគេស្គាល់ថាមានទីផ្សារសម្ដែងយ៉ាងជោគជ័យយូរក្រែលដែរហើយ បែរជាថ្ងូរថាអត់ទាន់សល់អី។ នេះជាការលើកឡើងផ្ទុយស្រឡះទាំងស្រុងពីទីផ្សារសិល្បៈជាក់ស្ដែង ក្នុងពេលដែលមានការទម្លាយថា តម្លៃខ្លួនរបស់តារាកំប្លែងរូបនេះក៏ហក់ឡើងខ្ពស់នោះផង។
នៅទីបំផុតកីឡាករជើងខ្លាំងរបស់កម្ពុជាឈ្មោះ ម៉ន រដ្ឋា បានត្រឹមតែការពារខ្លួនមិនឲ្យសន្លប់មុនទឹកទី៥ ក្នុងការប៉ះប្រកួតជាមួយកីឡាករថៃប៉ុណ្ណោះ កាលពីថ្ងៃអាទិត្យទី២៧ មីនា នៅក្នុងព្រឹត្តិការណ៍ប្រដាល់អន្តរជាតិរបស់ទូរទស្សន៍អាស៊ីអាគ្នេយ៍។ សមត្ថភាពស៊ូបាន៥ទឹករបស់កីឡាករកម្ពុជាត្រូវបានគេសរសើរផងនិងរិះគន់ផង។នៅក្នុងការប្រកួតដែលបានធ្វើឡើងយ៉ាងស្វិតស្វាញនោះ ម៉ន រដ្ឋា ខ្លាចាស់របស់ក្លិបការិយាល័យទី៥កងទ័ពជើងគោក បានបញ្ចេញកណ្ដាប់ដៃយ៉ាងខ្លាំងក្លាទៅលើកីឡាករថៃឈ្មោះ Pheach Ngenthang ។ សមត្ថភាពវាយចេញរបស់គេ ធ្វើឲ្យកីឡាករឆ្លងប្រទេសជាគូបដិបក្ខទ័លទីម្ដងៗ ប៉ុន្តែកណ្ដាប់បានត្រឹមតែកំឡាមិនឲ្យកីឡាករថៃវាយលុកចូលខ្លាំងប៉ុណ្ណោះ។
ប្រមាណជាប៉ុន្មានខែចុងក្រោយនេះ គេកត់សម្គាល់ថាតារាសម្ដែងវ័យក្មេងមានសម្រស់ស្រស់សោភា នាង ម៉ៃយ៉ា ដែលត្រូវគេស្គាល់ថាជាកូនខ្មែរកាត់អាល្លឺម៉ង់ទទួលបានទីផ្សារសិល្បៈស្ទុះឡើងយ៉ាងខ្លាំង។ តារាសម្ដែងដែលមានរូបរាងខ្ពស់ស្រឡះ និងទម្រង់មុខកាត់អ៊ឺរ៉ុបរូបនេះ ត្រូវគេរំពឹងថានឹងឆ្មក់បានតំណែងល្បីល្បាញខ្លាំងក្លា បន្ទាប់ពីនាងក៏បានតំណែងតួឯកនៅប៉ុស្ដិ៍លេខ៥ក្នុងភាពយន្តភាគថ្មី។
បន្ទាប់ពីរួចផុតការយាយីដោយជំងឺដុះសាច់ក្នុងខួរក្បាលធ្ងន់ធ្ងរ គេកត់សម្គាល់ឃើញថា អ្នកនាង ស្វែង សុជាតា នៅដើមឆ្នាំ២០១៦នេះ មានការស្ទុះឡើងនូវទីផ្សារសិល្បៈគួរឲ្យកត់សម្គាល់។ ក្រៅពីបានតំណែងជាតួសំខាន់ក្នុងរឿងដល់ទៅ៤រឿងផ្សេងគ្នានៅអំឡុងខែមីនានេះ អ្នកនាងក៏អះអាងថាទទួលបានតម្លៃខ្លួនខ្ពស់ខុសគ្នាកាលពីមុនផងដែរ ទើបអ្នកនាងហាក់រយាលដៃបន្តិចពីការងារស្មូនថ្នាំ និងការចាត់ចែងលើមុខរបរលក់ឱសថបុរាណ ដែលអ្នកនាងបញ្ជាក់ថាជាប្រភេទថ្នាំខ្មែរដែលជួយឲ្យជំងឺដុះសាច់ក្នុងខួរក្បាលរបស់ខ្លួនបានជាសះដោយមិនចាំបាច់វះកាត់នោះ។
នៅទីបំផុតការប្រកួតយ៉ាងស្វិតស្វាញរវាងកីឡាករកម្ពុជា យ៉េន ឌីណា និងកីឡាករ Soun Tepheap ដែលត្រូវគេស្គាល់ថាជាម្ចាស់ខ្សែក្រវាត់៣ស្ថាប័នមកពីប្រទេសថៃ គឺកីឡាករកម្ពុជាជាអ្នកឈ្នះពិន្ទុទាំងប្រផិតប្រផើយ។ ការប្រកួតរបស់ពួកគេ ត្រូវគេកត់សម្គាល់ថាទទួលបានការចាប់អារម្មណ៍យ៉ាងខ្លាំងនៅលើសង្វៀនទូរទស្សន៍អាស៊ីអាគ្នេយ៍កាលពីថ្ងៃអាទិត្យទី២០ ខែមីនា។
ចាត់ទុកជាលើកទី១ ដែលផលិតករមួយរូបបានសម្រេចបោះទុនរហូតដល់ជាង១០ម៉ឺនដុល្លារថតរឿងពាក់ព័ន្ធនឹងជំនឿនៅប្រាសាទមួយក្នុងចំណោមប្រាសាទភាគច្រើនក្នុងសំបូរព្រៃគុហ៍ដែលមានអ្នកស្រុកជឿជាក់នៅឡើយ។ ខ្សែរឿងនេះក៏ត្រូវគេឃើញបំផុសឲ្យស្គាល់ពីក្បាច់គុនបុរាណខ្មែរ២ប្រភេទផ្សេងទៀតជាលើកដំបូងគឺក្បាច់គុនរបាំគ្រុឌនាគរាជ និងក្បាច់គុនក្វាមគិរីស្វរៈដែលត្រូវគេឃើញនៅតាមកន្សែងយ័ន្ត និងតាមសិលាចារឹក ផងដែរ។
ប្រតិបត្តិការនាំយកភាពយន្តរបស់ជាតិប្រមាណជាង២០រឿងទៅបង្ហាញក្នុងវេទិកាពិព័រណ៌ភាពយន្តលើកទី២០នៅទីក្រុង ត្រូវបានផលិតករ និងមន្ត្រីពាក់ព័ន្ធដែលទើបត្រឡប់មកដល់ប្រទេសវិញអះអាងថា កម្ពុជាទទួលបានអត្ថប្រយោជន៍យ៉ាងច្រើនពីពិព័រណ៍នេះ។ ក្នុងនោះ ខ្សែរឿងរបស់ខ្មែរមួយចំនួនក៏ត្រូវបានផលិតករបរទេសចាប់អារម្មណ៍ចង់បាន និងអាចនឹងឈានដល់ការផលិតរឿងរួមគ្នាក្នុងពេលដ៏ខ្លីផងដែរ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
