ប្រធានមន្ទីរសន្តិសុខ ស២១ ឬគុកទួលស្លែង លោកកាំង ហ្កេចអៀវ ហៅឌុច អះអាងថានៅពេលដែលខ្លួនចូលរួមវគ្គរៀនសូត្រនយោយបាយ ក្នុងឆ្នាំ១៩៧៨ ប៉ុល ពត បានបញ្ជាឲ្យមន្ទីរសន្តិសុខទាំងអស់ ជាពិសេស ស២១ត្រូវឈប់ធ្វើការសួរចម្លើយអ្នកទោសជាជនជាតិខ្មែរ។
ប្រធានមន្ទីរស២១ឬគុកទួលស្លែង លោក កាំង ហ្កេចអៀវ ហៅឌុច បានផ្តល់សក្ខីកម្មថាលោក ខៀវ សំផន អតីតប្រមុខរដ្ឋនៅក្នុងសម័យខ្មែរក្រហម មិនក្លាហានក្នុងការទទួលខុសត្រូវចំពោះកំហុសរបស់ខ្លួនដែលកើតមាននៅក្នុងសម័យកម្ពុជាប្រជាធិបតេយ្យ។
ប្រធានមន្ទីរសន្តិសុខស២១ឬគុកទួលស្លែង លោក កាំង ហ្កេចអៀវ ហៅឌុច បានបដិសេធចំពោះការលើកឡើងថាមានការរំលោភបំពានផ្លូវភេទក្នុងមន្ទីរសន្តិសុខដែលស្ថិតក្រោមការគ្រប់គ្រងរបស់លោក។ក្នុងសវនាការកាលពីថ្ងៃព្រហស្បតិ៍ ឌុចដែលត្រូវបានតុលាការនេះហៅឲ្យមកផ្តល់សក្ខីកម្មលើសំណុំរឿង០០២/០២ បានអះអាងប្រាប់តុលាការថាក្នុងរយៈពេលដែលខ្លួនធ្វើជាប្រធានមន្ទីរនេះ លោកមិនដឹងពីការរំលោភសេពសន្ថវៈនៅក្នុងមន្ទីរស២១នោះទេ។
ប្រធានមន្ទីរសន្តិសុខស២១ឬគុកទួលស្លែង លោក កាំង ហ្កេកអ៊ាវ ហៅឌុច អះអាងថាសំភារៈនិងឧបករណ៍ធ្វើទារុណកម្មមួយចំនួននៅមន្ទីរស២១ ជាការប្រឌិតឡើងក្រោយថ្ងៃ៧មករាឆ្នាំ១៩៧៩។
លោក កាំង ហ្កេកអ៊ាវ ហៅឌុច អតីតប្រធានមន្ទីរសន្តិសុខ ស-២១ឬគុកទួលស្លែង ដែលត្រូវបានតុលាការខ្មែរក្រហមកាត់ទោសឲ្យជាប់ពន្ធនាគារមួយជីវិត បានថ្លែងថាប៉ុលពតបានបញ្ជាកុំឲ្យសម្លាប់អ្នកទោសម្នាក់ជាពេទ្យធ្មេញ បើទោះជាលោកត្រូវបានចាប់មកឃុំខ្លួននៅគុកទួលស្លែង។ក្នុងការផ្តល់សក្ខីកម្មថ្ងៃទី២ លោក ឌុច ដែលគ្រប់គ្រងគុកទួលស្លែងដោយមានការធ្វើទារុណកម្មនិងសម្លាប់មនុស្សជាង១៥០០០នាក់ បានថ្លែងថាអ្នកដែលយកមកឃុំខ្លួននិងសួរចម្លើយនៅគុកទួលស្លែងគឺត្រូវកម្ទេចទាំងអស់ ដោយមិនលើកលែងទោះបីស្រ្តីមានផ្ទៃពោះ កូនក្មេងនិងចាស់ក៏ដោយ។
លោក កាំង ហ្កេកអ៊ាវ ហៅឌុច អតីតប្រធានមន្ទីរសន្តិសុខ ស-២១ឬគុកទួលស្លែង ដែលត្រូវបានតុលាការខ្មែរក្រហមកាត់ទោសឲ្យជាប់ពន្ធនាគារមួយជីវិត បានថ្លែងថាលោក នួន ជា អតីតប្រធានរដ្ឋសភានៃរបបកម្ពុជាប្រជាធិបតេយ្យនិងជាអនុលេខាបក្សកុម្មុយនីស្តកម្ពុជា បានបញ្ជាឲ្យលោកកម្ទេចអ្នកទោសទាំងអស់នៅគុកទួលស្លែង។
លោក កាំង ហ្កេកអ៊ាវ ហៅឌុច អតីតប្រធានមន្ទីរសន្តិសុខ ស-២១ឬគុកទួលស្លែង ដែលត្រូវបានតុលាការខ្មែរក្រហមកាត់ទោសឲ្យជាប់ពន្ធនាគារមួយជីវិត បានថ្លែងថារបបកម្ពុជាប្រជាធិបតេយ្យមានគោលការណ៍មួយគឺចាប់ក្រុមគ្រួសាររបស់អ្នកទោសដែលត្រូវបានគេចាប់យកមកដាក់គុកទួលស្លែង។ក្នុងការផ្តល់សក្ខីកម្មថ្ងៃទី២ លោក ឌុច ដែលគ្រប់គ្រងគុកទួលស្លែងដោយមានការធ្វើទារុណកម្មនិងសម្លាប់មនុស្សជាង១៥០០០នាក់ ត្រូវបានសហព្រះអាជ្ញារងអន្តរជាតិ លោក ដេល ឡៃសាក់ សួរសំណួរទាក់ទងនឹងការចាប់ប្រពន្ធនិងកូនរបស់អ្នកទោស។
លោក កាំង ហ្កេកអ៊ាវ ហៅឌុច អតីតប្រធានមន្ទីរសន្តិសុខ ស-២១ ដែលត្រូវបានតុលាការខ្មែរក្រហមកាត់ទោសឲ្យជាប់ពន្ធនាគារមួយជីវិត បានថ្លែងថាការបដិសេធរបស់លោក នួន ជា មិនទទួសខុសត្រូវលើការសម្លាប់នៅគុកទួលស្លែង ជាការបដិសេធគួរឲ្យ”ភ្ញាក់ផ្អើលនិងគ្មានន័យ”។
យុវជនចង់ឲ្យប្រជាពលរដ្ឋកម្ពុជាគ្រប់រូបសិក្សានិងស្វែងយល់ពីប្រវត្តិសាស្ត្ររបស់ខ្លួនឲ្យបានច្បាស់ដើម្បីកុំឲ្យរបបប្រល័យពូជសាសន៍ខ្មែរក្រហមត្រឡប់មកសាជាថ្មី។
លោក កាំង ហ្កេកអ៊ាវ ហៅឌុច អតីតប្រធានមន្ទីរសន្តិសុខ ស-២១ ដែលត្រូវបានតុលាការខ្មែរក្រហមកាត់ទោសឲ្យជាប់ពន្ធនាគារមួយជីវិតនឹងចូលផ្តល់សក្ខីកម្មនៅក្នុងការជំនុំជម្រះក្តីលើសំណុំរឿង០០២/០២នៅសប្តាហ៍ក្រោយ។ក្នុងសេចក្តីប្រកាសព័ត៌មានមួយចេញផ្សាយកាលពីថ្ងៃពុធ សាលាក្តីខ្មែរក្រហមបានបញ្ជាក់ថាកាលបរិច្ឆេទស្តាប់ការផ្តល់សក្ខីកម្មរបស់កាំង ហ្កេកអ៊ាវ គឺចាប់ពីថ្ងៃទី២៦ខែឧសភា ឆ្នាំ២០១៦តទៅ។ សេចក្តីប្រកាសបន្ថែមថាឌុចត្រូវបានកោះហៅមកផ្តល់សក្ខីកម្មក្នុងប្រធានបទទីបួននៃសំណុំរឿង០០២/០២ ទាក់ទងនឹងមន្ទីរសន្តិសុខនិងការបោសសម្អាតផ្ទៃក្នុងជាពិសេសគឺពាក់ព័ន្ធនឹងមន្ទីរសន្តិសុខស-២១។ អង្គជំនុំជម្រះសាលាដំបូងបានត្រៀមរយៈពេល៩ថ្ងៃដើម្បីសាកសួរទៅលើសាក្សីរូបនេះ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
