នជាប់ចោទ លោក នួន ជា ដែលជាអតីតប្រធានរដ្ឋសភានៃរបបកម្ពុជាប្រជាធិបតេយ្យនិងជាអនុលេខាបក្សកុម្មុយនីស្តកម្ពុជា បានលើកឡើងថាវៀត​ណាម​​​បាន​ឈ្លាន​ពាន​ទឹក​ដីខ្មែរ​ជា​បន្តបន្ទាប់ហើយ​កងទ័ព​របស់កម្ពុជា​ប្រជាធិបតេយ្យ​បាន​តបតនិង​ចាប់​ជនជាតិវៀតណាមបញ្ជូនទៅឃុំខ្លួននៅមន្ទីរ​ស​២១ហៅគុកទួលស្លែង​។​លោក នួន ជា បានលើកឡើង​បែ​បនេះ​បញ្ជាក់ទៅនឹង​ចម្លើយ​របស់​សាក្សី លោក ឡាច មាន អតីតអ្នកយាម​អ្ន​ក​ទោសក្នុងបរិវេណអគារស២១ ដែល​​ថា​មានការ​​ដឹកជនជាតិវៀតណាមចូលគុកទួលស្លែង។​

អតីតអ្នកថតរូបនៅគុកទួលស្លែង លោក ញ៉ែម អេន អាយុ៥៥ឆ្នាំ នៅថ្ងៃព្រហស្បតិ៍នេះ បានប្រាប់អង្គសវ​ន​កា​រថាលោកមិនដែលឃើញការសម្លាប់មនុស្សនៅក្នុងគុកទួលស្លែងនោះទេ។លោក ញ៉ែម អេន ជាអ្នកថតរូបម្នាក់ក្នុងចំណោម៦នាក់ដែលបាន​ថតរូបអ្នកទោសនៅ​គុកទួលស្លែងក្នុងរបប​ខ្មែរ​ក្រហម។ ឆ្លើយតបនឹងសំណួរ​របស់​លោក វិចទ័រ កុបប៉េ ដែល​ជា​សហមេធាវីការពារក្ដីអន្ដរជាតិ លោក នួន ជា សាក្សី​​ជា​អ្នក​ថតរូបមានប្រសសន៍ថាលោកមិនដែលឃើញការសម្លាប់នៅក្នុងគុកទួលស្លែងនោះទេ តែលោកថាបានឃើញការធ្វើទារុណកម្មនៅទីនោះ។

សាក្សីជំនាញនិងជាអ្នកវិភាគទិន្នន័យរបស់សហចៅក្រមស៊ើបអង្កេតរបស់សាលាក្តីខ្មែរក្រហម លោក អ៊ីសា អូស្មាន បានអះអាងថាខ្មែរឥស្លាមបានព្យាយាមបះបោរធំៗចំនួនពីរដងប្រឆាំងនឹងខ្មែរក្រហម ករណី​ទាមទារឲ្យខ្មែរឥស្លាមលុបបំបាត់ការប្រតិបត្តិសាសនារបស់ពួកគេ។