អាជ្ញាធរខេត្តស្វាយរៀងបញ្ជាក់ថា កងទ័ពវៀតណាមចូលក្នុងឃុំចំនួន៣ នៅក្នុងខេត្តស្វាយរៀង គឺដើម្បីធ្វើសមយុទ្ធពីវិធីសាស្ត្រនៃការជួយសង្គ្រោះពលរដ្ឋពេលមានគ្រោះមហន្តរាយកើតឡើង មិនមែនវៀតណាមចូលមកកាន់កាប់ដូចការផ្សព្វផ្សាយលើបណ្តាញសង្គមនោះទេ។
សហរដ្ឋអាមេរិកតាមរយៈក្រសួងរតនាគាររបស់ខ្លួន បានសម្រេចដាក់ទណ្ឌកម្មហិរញ្ញវត្ថុ និងរឹតត្បិតទិដ្ឋាការលោក ទ្រី ភាព និងអតីតអគ្គមេបញ្ជាការរងនៃកងយោធពលខេមរភូមិន្ទ លោក គន់ គីម ព្រមទាំងសមាជិកគ្រួសារលោក៣រូប និងក្រុមហ៊ុនរបស់ពួកគេចំនួន១៦ទៀត។
អតីតមេដឹកនាំគណបក្សប្រឆាំង លោក កឹម សុខា លើកឡើងថា ការចូលរួមលើកកម្ពស់ និងការពារសិទ្ធិមនុស្ស មិនមែនជាការជ្រៀតជ្រែកកិច្ចការផ្ទៃក្នុងរបស់ប្រទេសជាតិឡើយ។
សាលាដំបូងរាជធានីភ្នំពេញ នឹងបើកសាវនាសំណុំរឿងអតីតមេដឹកនាំបក្សប្រឆាំងលោក កឹម សុខា នៅដើមឆ្នាំក្រោយនេះ បន្ទាប់ពីសាលាឧទ្ធរណ៍ប្រកាសច្រានចោលបណ្តឹងទាស់មេបក្សប្រឆាំងនេះតែប៉ុន្មានម៉ោងប៉ុណ្ណោះ។
សាលាឧទ្ធរណ៍នៅរសៀលថ្ងៃច័ន្ទនេះ ប្រកាសច្រានចោលបណ្តឹងទាស់របស់សហមេធាវីការពារក្តីលោក កឹម សុខា ដោយចាត់ទុកការសម្រេចរបស់សាលាដំបូងរាជធានីភ្នំពេញ ដែលបញ្ចូនសំណុំរឿងអតីតមេដឹកនាំបក្សប្រឆាំងនេះទៅជម្រះថា ធ្វើឡើងតាមនីតិវិធីច្បាប់។
មន្ត្រីជាន់ខ្ពស់សិទ្ធិមនុស្សកម្ពុជា អះអាងថា ការផ្ដល់សេរីភាពដល់មេដឹកនាំ និងសកម្មជនបក្សប្រឆាំងឱ្យនៅក្រៅឃុំបណ្ដោះអាសន្ន ត្រូវបានដាក់បញ្ចូលទៅក្នុងរបាយការណ៍របស់រដ្ឋាភិបាលកម្ពុជា ឆ្លើយតបទៅនឹងការទាមទាររបស់សហភាពអឺរ៉ុប។
ប្រធានគណបក្សសង្គ្រោះជាតិ លោក កឹម សុខា បានជាប់ឃុំក្នុងគុក និងក្នុងផ្ទះអស់រយៈពេលជាង ២ឆ្នាំ តាមអំណាចតុលាការសាលាដំបូងរាជធានីភ្នំពេញ ដែលបានចោទប្រកាន់ពីបទ «សន្និដ្ឋិភាព» ឬការត្រូវរ៉ូវគ្នាជាមួយបរទេស ដើម្បីផ្តួលរំលំរដ្ឋាភិបាល។
សហមេធាវីការពារក្ដីលោក កឹម សុខា បំពេញការងារតំណាងឱ្យកូនក្តីបានប្តឹងជំទាស់ទៅឧទ្ធរណ៍ដោយចាត់ទុកថា ការដែលចៅក្រមស៊ើបសួរសាលាដំបូងសម្រេចបញ្ជូនសំណុំរឿងកូនក្ដីទៅជម្រះ ជារឿងអយុត្តិធម៌។
សហមេធាវីការពារក្តីរបស់លោក កឹម សុខា បង្ហាញការខកចិត្តដែលតុលាការមិនព្រមទម្លាក់បទចោទកូនក្តីតាមការស្នើសុំ តែបែរជាបញ្ជូនសំណុំរឿងចម្រូងចម្រាសនេះទៅជំនុំជម្រះ។
ក្រសួងមហាផ្ទៃ បដិសេធចំពោះការផ្សាយរបស់វិទ្យុអាស៊ីសេរីដែលថា លោក ស ខេង នៅតែបន្តបញ្ជាឲ្យតាមចាប់ខ្លួនអ្នកចូលរួមអមដំណើរ និងទទួលលោក សម រង្ស៊ី។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
