ខណៈដែលកម្ពុជាកំពុងស្ថិតក្រោមខ្សែភ្នែកមជ្ឈដ្ឋានជាតិ និងអន្តរជាតិ ដោយ​សារ​តែការកើនឡើងនូវករណីឆបោក​អន​ឡាញ ហើយជនបរទេសជាច្រើនរងគ្រោះពីការជួញដូរ និងការបោកប្រាស់ឱ្យធ្វើការក្នុងឧស្សាហកម្មខុសច្បាប់ទាំងនេះ ស្វាមី-ភរិយាមួយគូ ជាជនជាតិម៉ាឡេ​ស៊ី បានរៀបរាប់ពីបទពិសោធន៍ដែល​ត្រូវបានក្រុមឧក្រិដ្ឋជននៅកម្ពុជា បង្ខំឲ្យបោកបញ្ឆោតអ្នកដទៃកាលពីឆ្នាំ​២០២៤ និង​២០២៥ ដែលនាពេល​នោះ ពួក​​គេ​នៅជាគូដណ្តឹងនឹងគ្នានៅឡើយ។

ការស៊ើបអង្កេតមួយរបស់វីអូឌីរកឃើញ​ថា លោក ចេន ហ្ស៊ី (Chen Zhi)ដែលត្រូវបាន​ចាប់ខ្លួន កាលពីថ្ងៃទី៦ ខែមករា ឆ្នាំ​២០២៦ បានបង្កើតក្រុមហ៊ុនប្រមាណ​៥០ក្នុងប្រទេសកម្ពុជា ហើយមានបណ្តាញជាមួយបុគ្គលមួយចំនួនដែលជាដៃគូរក​ស៊ី​របស់​លោក។ អ្នកតាមដានមើលឃើញ​ថា​ការ​ចាប់ខ្លួនលោក ចេន ហ្ស៊ី បញ្ជូនទៅ​ឱ្យ​អាជ្ញាធរចិនមិនទាន់គ្រប់គ្រាន់នៅ​ឡើយ​ទេ ដោយជំរុញឱ្យអាជ្ញាធរកម្ពុជា​ស៊ើបអង្កេតមុខជំនួញរបស់លោក ហើយ​ស្វែងរកអ្នកពាក់ព័ន្ធនឹងលោក ចេន ហ្ស៊ី។

កាលពីខែធ្នូ ឆ្នាំ២០១៣ លោក Hsu Ming-chin ដែលជាជនជាតិតៃវ៉ាន់ បានមកដល់ប្រទេសកម្ពុជា ហើយលោកចង់បាន​សញ្ជាតិខ្មែរ។ លោកចាប់ផ្តើមកសាង​ទំនាក់ទំនងជាមួយអ្នកមានអំណាចនៅកម្ពុជា ក្នុងនោះមានមន្រ្តីជាន់ខ្ពស់នៃគណបក្សប្រជាជនកម្ពុជា រួមមាន ទាំងបងប្អូនជីដូនមួយរបស់លោកនាយករដ្ឋមន្រ្តី ហ៊ុន ម៉ាណែត គឺលោក ហ៊ុន តូ ផងដែរ។