អង្គភាពប្រឆាំងអំពើពុករលួយលោក ឱម យ៉ិនទៀង ប្រកាសទទួលយកបណ្ដឹងរបស់ក្រុមយុវជនដែលបានប្ដឹងប្រធានស្ដីទីគណបក្សសង្គ្រោះជាតិលោក កឹម សុខា ថាបានផ្ដល់លុយឲ្យស្រីស្នេហ៍ទិញផ្ទះនិងដី ហើយអាចជាប់ពាក់ព័ន្ធនឹងអំពើពុករលួយ ដោយអង្គភាពនឹងតម្រូវឲ្យលោក កឹម សុខា ប្រកាសទ្រព្យសម្បត្តិម្ដងទៀត។
លោកនាយករដ្ឋមន្រ្តី ហ៊ុន សែន នៅថ្ងៃពុធនេះបានថ្លែងថារដ្ឋាភិបាលបានសម្រេចប្រើប្រាស់បច្ចេកវិទ្យាក្នុងការប្រយុទ្ធប្រឆាំងនឹងអំពើពុករលួយ ដោយលោកបានលើកឡើងករណីបើកប្រាក់ខែមន្រ្តីរាជការតាមធនាគារ ជាចំណាត់ការមួយលុបបំបាត់”មន្រ្តីខ្មោចបើកប្រាក់ខែ”។ ក្នុងពិធីចែកសញ្ញាបត្រដល់គ្រូបញ្ចប់ការសិក្សាគរុកោសល្យដែលធ្វើឡើងនៅវិទ្យាស្ថានជាតិអប់រំ លោក ហ៊ុន សែន បានលើកឡើងពីករណីមន្រ្តីខ្មោចដែលលោកថាមិនចេះមកបើកប្រាក់ខែនោះទេ។ លោកលើកឡើងករណីផ្សេងទៀតដូចជាមន្រ្តីពន្ធកាត់កងប្រាក់ផ្ទាល់ជាមួយអ្នកបង់ពន្ធ ដែលលោកថានេះអាចនាំឲ្យមានការប្រព្រឹត្តអំពើពុករលួយ។
ខិតប័ណ្ណជាច្រើនសន្លឹកដែលមានខ្លឹមសារទាមទារឲ្យដកតំណែងលោកអធិការនគរបាលក្រុងបាត់ដំបងទាក់ទងដោយចោទថាមានអំពើរពុករលួយត្រូវបានពលរដ្ឋប្រទះឃើញគេបាចចោលកាលពីថ្ងៃសៅរ៍នៅមុខសាលាខេត្តបាត់ដំបង។
ក្រសួងមហាផ្ទៃបានចេញសេចក្ដីប្រកាសព័ត៌មានច្រានចោលចំពោះការផ្សព្វផ្សាយថា បែកធ្លាយល្បិចកលតម្លើងឋានន្តរស័ក្តិនាយនគរបាល តាមរយៈការតែងតាំងជាទីប្រឹក្សា ឬជំនួយការរដ្ឋមន្ត្រី។
សេចក្ដីប្រកាសព័ត៌មានរបស់ក្រសួងមហាផ្ទៃចុះថ្ងៃទី ៤ ខែមីនា បានឲ្យដឹងថា ចំពោះការចុះផ្សាយថា បែកធ្លាយល្បិចកលតម្លើងឋានន្តរស័ក្តិនាយនគរបាលតាមរយៈការតែងតាំងជាទីប្រឹក្សា ឬជំនួយការលោក ស ខេង និង ក្រសួងមហាផ្ទៃនោះ ខុទ្ទកាល័យលោក ស ខេង ច្រានចោលទាំងស្រុង និងចាត់ទុកករណីនោះគឺជាការរៀបចំឡើងដោយខ្វះការយល់ដឹងខាងវិជ្ជាជីវៈសារព័ត៌មាន និងបង្ហាញជំហរលំអៀង។
សម្ព័ន្ធភាពប្រជាជនម៉ាឡេស៊ីដែលមានការចូលរួមពីអ្នកនយោបាយមកពីក្រុមផ្សេងៗចូលរួមគ្នាបានអំពាវនាវឲ្យមហាជនចូលរួមធ្វើចលនា ដើម្បីដូររដ្ឋាភិបាលដឹកនាំលោកណាជីប ដែលកំពុងដឹកនាំបច្ចុប្បន្ន ដោយចោទថា ជាប់ពាក់ព័ន្ធអំពើពុករលួយធ្ងន់ធ្ងរ។
លោកនាយករដ្ឋមន្រ្តី ហ៊ុន សែន នៅថ្ងៃចន្ទនេះ បានប្រកាសជាថ្មីថារដ្ឋាភិបាលកម្ពុជាមិនបានប្រព្រឹត្តអំពើពុករលួយទាក់ទងនឹងជំនួយបរទេសនោះទេ។ នាយករដ្ឋមន្រ្តីបានលើកឡើងបែបនេះនៅក្នុងពិធីសម្ពោធដាក់ឲ្យប្រើប្រាស់ជាផ្លូវការមន្ទីរពេទ្យបង្អែកខេត្តព្រះសីហនុ។ លោកបានថ្លែងថាការសម្ពោធមន្ទីរពេទ្យនៅថ្ងៃនេះជាជំនួយរបស់ជប៉ុនដែលលោកថារាល់ជំនួយនេះគឺជប៉ុនជាអ្នកគ្រប់គ្រងទាំងអស់ ទាំងការដេញថ្លៃជ្រើសរើសក្រុមហ៊ុននិងការគ្រប់គ្រងហិរញ្ញវត្ថុនានា។ លោកបញ្ជាក់ថាលោកគ្រាន់តែជាអ្នកមកសម្ពោធនិងកាត់ខ្សែបូតែប៉ុណ្ណោះ។
អង្គការតម្លាភាពកម្ពុជាស្នើឲ្យគណបក្សនយោបាយដែលគ្រោងចូលរួមប្រកួតប្រជែងក្នុងការបោះឆ្នោតនាពេលខាងមុខ រៀបចំជាគោលនយោបាយក្នុងការប្រឆាំងនឹងអំពើពុករលួយ ដោយអង្គការនេះអះអាងថា យន្តការក្នុងការប្រឆាំងអំពើពុករលួយនាពេលបច្ចុប្បន្ននៅមានចំណុចខ្វះខាតនៅឡើយ។
នៅព្រឹកថ្ងៃសុក្រនេះ អង្គការតម្លាភាពកម្ពុជាបានរៀបចំជាកិច្ចពិភាក្សាមួយដែលមានការចូលរួមពីតំណាងអង្គការសង្គមស៊ីវិល និងវិស័យឯកជនមួយចំនួន សរុបប្រមាណជាង៣០ស្ថាប័ន ដើម្បីរៀបចំជាសេចក្ដីព្រាងគោលនយោបាយប្រឆាំងអំពើពុករលួយ។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
