រដ្ឋមន្ត្រីនៃប្រទេសស្រីលង្កាមួយរូប បានបញ្ជាក់ឱ្យដឹងនៅថ្ងៃពុធម្សិលមិញថា លោកប្រធានាធិបតី ហ្កូតាបាយ៉ា រ៉ាចាប៉ាកសា (Gotabaya Rajapaksa) នឹងមិនលាលែងពីតំណែងឡើយ បើទោះបីជាមានបាតុ​កម្ម​តវ៉ានានា​កើតឡើងក្នុងប្រទេស ប្រឆាំងនឹងវិធានការក្នុងការដោះស្រាយវិបត្តិសេដ្ឋកិច្ចដ៏អាក្រក់បំផុតរបស់ប្រទេសនេះ និងស្របពេលដែលក្រុមគ្រូពេទ្យបានធ្វើការតវ៉ាតាមដងផ្លូវ ជុំវិញការធ្លាក់ចុះនៃវិស័យ​សុខាភិបាលយ៉ាងណាក៏ដោយ។

អភិបាលរងក្រុងកូឡុំបូ (Colombo) លោក Muhammad Iqbal បានលើកឡើងថា ផែនការរបស់​រដ្ឋាភិបាល​ស្រីលង្កាក្នុងការអភិវឌ្ឍគម្រោងវិនិយោគនានានៅក្នុងប្រទេស គឺមិនសមស្របនោះទេសម្រាប់​សេដ្ឋកិច្ចជាតិ ជាពិសេសការប្រគល់ដីដែលមានតម្លៃខ្ពស់ចំនួន៣ទីតាំងនៅទីក្រុងកូឡុំបូសម្រាប់គម្រោងដែលផ្អែកលើការជួលរយៈពេល៩៩ឆ្នាំ។