លោកនាយករដ្ឋមន្ត្រី ហ៊ុន សែន និងជាប្រធានគណបក្សកាន់អំណាច បានអះអាងថា ដល់ពេលហើយដែលរាជរដ្ឋាភិបាលត្រូវយកផ្ទះនិងដីរបស់លោក គង់ គាំ បច្ចុប្បន្នមកវិញ ដ្បិតទ្រព្យសម្បត្តិទាំងនោះជាកម្មសិទ្ធិរបស់ក្រសួងការបរទេសពីមុនមក។
គណៈកម្មាធិការគណបក្សប្រជាជនកម្ពុជាខេត្តត្បូងឃ្មុំ បានប្ដឹងឧត្ដមទីប្រឹក្សាគណបក្សភ្លើងទៀន លោក គង់ គាំ ដោយទាមទារសំណងចំនួន៥០ម៉ឺនដុល្លារសហរដ្ឋអាមេរិក ក្រោមហេតុផលថា សម្ដីមន្ត្រីជាន់ខ្ពស់បក្សប្រឆាំងរូបនេះដែលថ្លែងក្នុងវេទិកាសាធារណៈនៅខេត្តជាប់ព្រំដែនវៀតណាមមួយនេះ កាលពីពេលថ្មីៗនោះ ឆ្លុះបញ្ចាំងពីចេតនាញុះញង់។
លោកនាយករដ្ឋមន្ត្រី ហ៊ុន សែន ព្រមានចាត់វិធានការផ្លូវច្បាប់ រួមទាំងប្ដឹងរឹបអូសទ្រព្យសម្បត្តិមន្ត្រីជាន់ខ្ពស់គណបក្សភ្លើងទៀន គឺលោក គង់ គាំ បើមិនបញ្ឈប់ការរិះគន់ ដែលលោកថាជាការវាយប្រហារបក្សកាន់អំណាចលើទីលានប្រកួតនយោបាយនោះ។
អ្នកនយោបាយជើងចាស់វ័យ៨១ឆ្នាំ លោក គង់ គាំ ដែលបច្ចុប្បន្នជាឧត្ដមទីប្រឹក្សាគណបក្សភ្លើងទៀន បានផ្ញើសារបែបឌឺដងទៅកាន់លោកនាយករដ្ឋមន្ត្រី ហ៊ុន សែន ថាជា«មេដឹកនាំសម្លុត» ដែលការណ៍នេះ លោកអំពាវនាវដល់ក្រុមប្រឹក្សាជាប់ឆ្នោតរបស់ខ្លួន កុំឱ្យមានការភ័យខ្លាចក្នុងដំណើរឆ្ពោះទៅកាន់ការបោះឆ្នោតជាតិ ឆ្នាំ២០២៣។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
