អង្គការសុខភាពពិភពលោក (WHO) បាននិយាយនៅថ្ងៃពុធម្សិលមិញថា ករណីកុមារស្លាប់រាប់សិបនាក់ នៅក្នុងប្រទេសហ្គាំប៊ី (Gambia) ដោយបញ្ហាតម្រងនោមធ្ងន់ធ្ងរ អាចពាក់ព័ន្ធនឹងស៊ីរ៉ូបំបាត់ក្អក និងផ្តាសាយ ដែលផលិតដោយក្រុមហ៊ុនផលិតឱសថនៅប្រទេសឥណ្ឌា។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន Reuters នៅថ្ងៃទី៦ ខែតុលា ឆ្នាំ២០២២ នេះ។
អង្គការសុខភាពពិភពលោក (WHO) បានប្រកាសបង្កើតក្រុមការងារថ្មីមួយ កាលពីថ្ងៃពុធម្សិលមិញ និងបានចាត់ទុកថាជាឱកាសចុងក្រោយរបស់ខ្លួន ដើម្បីកំណត់ពីប្រភពដើមនៃជំងឺកូវីដ-១៩ ស្របពេលដែលអង្គការនេះក៏បានជំរុញឱ្យប្រទេសចិនចូលរួមសហការផងដែរ។
ទិន្នន័យពីក្រុមការងារទប់ស្កាត់ការឆ្លងរាលដាលនៃជំងឺកូវីដ-១៩ របស់ប្រទេសឥណ្ឌូនេស៊ី បានបង្ហាញថា ការឆ្លងវីរុសកូវីដ-១៩ថ្មីប្រចាំថ្ងៃនៅក្នុងប្រទេសនេះ កាលពីថ្ងៃចន្ទម្សិលមិញ មានចំនួន១ ៩៣២ករណី ដែលជាតួលេខទាបបំផុតគិតចាប់តាំងពីខែសីហា ឆ្នាំ២០២០ ខណៈរដ្ឋាភិបាលប្រទេសនេះនឹងបន្ធូរបន្ថយការរឹតបន្តឹងបន្ថែមទៀតនៅកោះជ្វា (Java) និងកោះបាលី (Bali)។
ប្រទេសឥណ្ឌូនេស៊ី បាននិងកំពុងពិភាក្សាជាមួយអង្គការសុខភាពពិភពលោក (WHO) ក៏ដូចជាក្រុមហ៊ុនឱសថចំនួន៦ ដើម្បីក្លាយជាមជ្ឈមណ្ឌលសកលមួយសម្រាប់ផលិតវ៉ាក់សាំងការពារជំងឺកូវីដ-១៩។ នេះបើតាមការឱ្យដឹងពីរដ្ឋមន្ត្រីសុខាភិបាលរបស់ប្រទេសនេះ ដែលបានថ្លែងប្រាប់ទីភ្នាក់ងារសារព័ត៌មាន Reuters។
ធនាគារពិភពលោក (World Bank) បានប្រកាសតែងតាំងអនុប្រធានថ្មីប្រចាំតំបន់អាស៊ីបូពា៌និងប៉ាស៊ីហ្វិក គឺជាស្ត្រីដែលមានបទពិសោធន៍ការងារជាង៣ទសវត្សរ៍នៅតំបន់អឺរ៉ុប អាមេរិកឡាទីន និងតំបន់ជាច្រើនផ្សេងទៀត។
VOD គឺជាស្ថាប័នព័ត៌មានឯករាជ្យដែលផ្តល់ព័ត៌មាន ផលិតកម្មវិធីវិទ្យុ និងការផ្សព្វផ្សាយតាមរយៈគេហទំព័រអ៊ីនធើណេត។
© ២០២២ រក្សាសិទ្ធិគ្រប់យ៉ាងដោយ ស៊ីស៊ីអាយអឹម
