ការសម្រេចចិត្តផ្នែកនយោបាយ ផ្សាភ្ជាប់ទៅនឹងបញ្ហាសេដ្ឋកិច្ច។ របាយការណ៍ របស់ការិយាល័យស្ថិតិអាមេរិក និងសហភាពអឺរ៉ុប បង្ហាញថា កម្ពុជា បាននាំផលិតផលកាត់ដេរមានតម្លៃជិត ៣ពាន់លានដុល្លារ ចូលទៅទីផ្សារអាមេរិក និងជិត ៥ពាន់លានដុល្លារ ចូលទៅទីផ្សារអឺរ៉ុប កាលពីឆ្នាំ២០១៦កន្លងមក។
ប៉ុន្តែដោយសារតែរបត់នយោបាយនៅកម្ពុជា ឈានទៅចាប់ខ្លួន មេដឹកនាំបក្សប្រឆាំង លោក កឹម សុខា និងរំលាយគណបក្សសង្គ្រោះជាតិផងនោះ សហគមន៍អន្តរជាតិ បានគំរាមដាក់ទណ្ឌកម្មសេដ្ឋកិច្ច ដល់កម្ពុជា បើប្រទេសនេះ មិនបើកលំហូរ ប្រជាធិបតេយ្យឡើងវិញ។
ថ្មីៗនេះទៀតសោត សភាអឺរុប បានបើកផ្លូវឲ្យ ព្យួរជាបណ្តោះអាសន្ន នូវការអនុគ្រោះពន្ធដល់កម្ពុជា។ ការបើកភ្លើងខៀវ របស់សភាអឺរុបនេះ អាចធ្វើឲ្យប៉ះពាល់ផ្នែកនាំចេញនៃសម្លៀកបំពាក់កាត់ដេរ របស់កម្ពុជា ដើម្បីចង់ដឹងថា សហជីពមានការព្រួយបារម្ភយ៉ាងដូចម៉េចខ្លះ តទៅនេះសូមស្តាប់បទសម្ភាសន៍ របស់ លោក ញឹម សុខន ជាមួយប្រធានសហភាពការងារកម្ពុជា លោក អាត់ ធន់ ដូចតទៅ៖
