នយោបាយ

បក្សមួយដែលទទួលយកអាសនៈសភា CNRP បណ្តេញមន្ត្រីជាន់ខ្ពស់៤រូប

លោក ណាត សុភាព
| ២៦ មករា ២០១៨
ម៉ោង ១៥:៤២

មន្ត្រីជាន់ខ្ពស់របស់គណបក្សហ្វ៊ុនស៊ិនប៉ិចនិងសម្តេចក្រុមព្រះកាលពីពេលកន្លង

គណបក្សហ្វ៊ុនស៊ិនប៉ិចដែលទើបទទួលបានអាសនៈសភា ក្រោយការរំលាយគណបក្សសង្គ្រោះជាតិ(CNRP) បានសម្រេចបណ្តេញមន្ត្រីជាន់ខ្ពស់របស់ខ្លួនចេញពីបក្សចំនួន៤រូប ដោយចាត់ទុកថា មានគំនិតបំផុសឲ្យបែកបាក់ផ្ទៃក្នុងបក្ស។

មន្ត្រីទំាង៤រូបនោះ រួមមាន លោក សេង ហាក់ស្រ៊ុន អគ្គលេខាធិការរង, លោក ណុប ផន, លោក មៀច សំរួល និងលោក ភាព ភាជន៍។

ក្នុងសេចក្តីសម្រេចរបស់គណបក្សហ្វ៊ុនស៊ិនប៉ិច ចុះថ្ងៃទី២៥ ខែមករា ម្សិលមិញ បានឲ្យដឹងថា គណបក្សនេះ សម្រេចបណ្តេញអគ្គលេខាធិការរងម្នាក់ និងមន្រ្តី៣រូបផ្សេងទៀត ដែលគណបក្សចាត់ទុកថា បានបំផុសបំផុលធ្វើញត្តិទាមទារឲ្យដកតំណែងលោក ប៉ោ ប៊ុនស្រ៊ឺ អនុប្រធានគណបក្ស និងលោក យឹម សាវី អគ្គលេខាធិការបក្ស។

កាលពីថ្ងៃទី១៦ ខែវិច្ឆិកា តុលាការកំពូល បានប្រកាសរំលាយគណបក្សសង្គ្រោះជាតិទៅតាមបណ្ដឹង ក្រសួងមហាផ្ទៃ។

បន្ទាប់មក នៅថ្ងៃទី២២ ខែវិច្ឆិកា ឆ្នាំ២០១៧ គណៈកម្មាធិការជាតិរៀបចំការបោះឆ្នោត បានប្រជុំសម្រេចបែងចែកអាសនៈរបស់គណបក្សប្រឆំាងចំនួន៥៥ ទៅឲ្យគណបក្សចំនួន៥ ដែលក្នុងនោះមាន គណបក្ស ហ៊្វុន ស៊ិនប៉ិច បាន៤១ អាសនៈ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។