ក្រសួងការបរទេសកម្ពុជា ជូនដំណឹងថា នៅចុងសប្តាហ៍នេះ លោកនាយករដ្ឋមន្ត្រី ហ៊ុន សែន និងមន្ត្រីជាន់ខ្ពស់មួយចំនួនទៀត នឹងធ្វើដំណើរទៅប្រទេសវៀតណាម ដើម្បីចូលរួមកិច្ចប្រជុំកំពូលមហាអនុតំបន់ទន្លេមេគង្គលើកទី៦ នៅទីក្រុងហាណូយ។
ក្រសួងឲ្យដឹងតាមសេចក្តីប្រកាសព័ត៌មាន ចុះថ្ងៃទី២៧ មិនាថា ដំណើរទៅកាន់ប្រទេសវៀតណាមរបស់មេដឹកនាំកម្ពុជានេះ តបតាមការអញ្ជើញរបស់នាយករដ្ឋមន្ត្រីវៀតណាម លោក ង្វៀន សួនហ្វ៊ុក(Nguyen Xuan Phuc)។
បើតាមសេចក្តីប្រកាស កិច្ចប្រជុំនេះ ចាប់ផ្តើមពីថ្ងៃទី៣០ ដល់ថ្ងៃ៣១ មិនា ហើយថា អំឡុងនៃកិច្ចប្រជុំនោះ ភាគីកម្ពុជា ឡាវ និង វៀតណាម នឹងពិនិត្យមើលពីសមទ្ធផលនាឆ្នាំកន្លងមក និងកំណត់ទិសដៅអភិវឌ្ឍទៅថ្ងៃអនាគត ក្នុងវិស័យសំខាន់ៗ មានសេដ្ឋកិច្ច ពាណិជ្ជកម្ម វិនិយោគ ហេដ្ឋារចនាសម្ព័ន្ធ និងថាមពល។
បើតាមក្រសួង ថ្នាក់ដឹកនាំប្រទេសទាំង៣ ក៏នឹងអនុម័តផែនការសកម្មភាព សម្រាប់តភ្ជាប់សេដ្ឋកិច្ច កម្ពុជា វៀតណាម ឡាវ ដល់ឆ្នាំ២០៣០ផងដែរ៕
