យ៉ាងហោចណាស់ ផ្ទះប្រជាពលរដ្ឋចំនួន១៧ខ្នងក្នុងខេត្តបាត់ដំបង ត្រូវបានរងការខូចខាតដោយសារគ្រោះធម្មជាតិកាលពីថ្ងៃអង្គារ។
អគ្គស្នងការនគរបាលជាតិចុះផ្សាយថា នៅខេត្តបាត់ដំបងមានភ្លៀងធ្លាក់មួយមេធំលាយឡំជាមួយខ្យល់កន្រ្តាក់បណ្តាលឲ្យផ្ទះពលរដ្ឋ១៧រងការខូចខាត ក្នុងនោះ២ខ្នងផ្ទះត្រូវដួលរំលំ និង១៥ខ្នងទៀតរបើកដំបូល។
អគ្គស្នងការនគរបាលជាតិបញ្ជាក់ថា ករណីខ្យល់កន្រ្តាក់នេះបានកើតឡើងក្នុងស្រុកចំនួន៣ក្នុងខេត្តបាត់ដំបង គឺនៅស្រុកសំពៅលូនខូចខាតផ្ទះអស់៦ខ្នង ស្រុកគាស់ក្រឡ៦ខ្នង និងស្រុកសង្កែអស់៥ខ្នង៕
