មេដឹកនាំបក្សកាន់អំណាចអំពាវជាថ្មីទៀត ដល់ពលរដ្ឋមានសិទ្ធិបោះឆ្នោត ឲ្យចេញទៅបោះឆ្នោតទាំងអស់គ្នា នៅថ្ងៃអាទិត្យចុងសប្តាហ៍នេះ ដោយព្រមានថា អ្នកដែលប្រឆាំងការបោះឆ្នោត ជាក្រុមបំផ្លាញជាតិ មិនអាចអត់ឱនឲ្យបាន។
លោក ហ៊ុន សែន ក្នុងពិធីធ្វើយុទ្ធនាការរកសំឡេងឆ្នោតនាថ្ងៃចុងក្រោយនេះ បានរំឭកថា អ្នកចេញទៅបោះឆ្នោត ជាអ្នកគាំទ្រលទ្ធិប្រជាធិបតេយ្យ ។
លោកនាយករដ្ឋមន្ត្រី ហ៊ុន សែន
មេដឹកនាំបក្សកាន់អំណាចរូបនេះ បញ្ជាក់បន្ថែមទៀតថា៖
លោកនាយករដ្ឋមន្ត្រី ហ៊ុន សែន
អតីតតំណាងរាស្ត្រអតីតបក្សប្រឆាំងលោក អ៊ូ ច័ន្ទរ័ត្ន ហៅសារនយោបាយនេះថា ជាការគំរាមកំហែងដល់ការសម្រេចចិត្តរបស់ ពលរដ្ឋ ដែលធានាដោយរដ្ឋធម្មនុញ្ញ និងថាជាសារប្រាប់ទៅសាធារណជនថា បក្សកាន់អំណាចនៅតែយកខ្មែរគ្នាឯងធ្វើជាសត្រូវ លើយន្តការប្រកួតប្រជែងអំណាច។
អតីតតំណាងរាស្ត្រអតីតបក្សប្រឆាំងលោក អ៊ូ ច័ន្ទរ័ត្ន
អ្នកវិភាគនយោបាយលោក បណ្ឌិត មាស នី និយាយថា ការដែលគណបក្សមួយអំនាវឲ្យពលរដ្ឋចេញទៅបោះឆ្នោត និងម្ខាង ទៀតអំពាវនាវកុំឲ្យទៅបោះឆ្នោត លោកថា ជាការកេងចំណេញផ្នែកនយោបាយតែរៀងៗខ្លួន។
ប៉ុន្តែអ្នកវិភាគនយោបាយរូបនេះ យល់ថា សារគំរាមចាត់វិធានការនានាពេលនេះក៏ដូចកន្លងទៅឆ្លុះបញ្ចាំងថាអ្នកនយោបាយខ្មែរ មិនទាន់ចេះដោះស្រាយបញ្ហា ឈរលើការពង្រឹងផ្ទៃក្នុងជាតិនៅឡើយទេ។
អ្នកវិភាគនយោបាយលោក បណ្ឌិត មាស នី
អ្នករាយការណ៍ពិសេស របស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោកស្រី រ៉ូណា ស្មីត កាលពីសប្តាហ៍មុន បានសរសេរលើគេហទំព័រអង្គការសហប្រជាជាតិប្រចាំកម្ពុជាថា លោកស្រីព្រួយបារម្ភពីការ ព្រមានផ្លូវច្បាប់របស់មន្រ្តីរដ្ឋាភិបាល ទៅលើប្រជាពលរដ្ឋជុំវិញការសម្ដែងមតិ ធ្វើពហិការមិនទៅបោះឆ្នោត និង បានអំពាវនាវឲ្យរដ្ឋាភិបាល ថ្កោលទោស ចំពោះការបំភិតបំភ័យ អ្នកមិនទៅបោះឆ្នោត ។
នាយករដ្ឋមន្ត្រីកម្ពុជា លោក ហ៊ុន សែន តែងតែអះអាងថា កម្ពុជាកំពុងអនុវត្តគោលការណ៍ប្រជាធិបតេយ្យ សេរីពហុបក្ស ដោយរៀបចំការបោះឆ្នោតទៀងទាត់៥ឆ្នាំម្តងក៏ដោយ ប៉ុន្តែក្រុមប្រទេសលោកសេរី បានវាយតម្លៃថា កម្ពុជាកំពុងដើរចេញពីគន្លងប្រជាធិបតេយ្យ ដោយសារតែអតីតគណបក្សប្រឆាំងដ៏ធំ ត្រូវគេផាត់ចេញពីឆាកនយោបាយ។