សមត្ថកិច្ចស្រុកអង្គស្នួលខេត្តកណ្តាលបានឲ្យដឹងថា នៅព្រឹកថ្ងៃពុធនេះ រថយន្តដឹកកម្មករចំនួនពីរបានបុកគ្នានៅភូមិអង្គស្នួលទី១ ឃុំពើក ស្រុកអង្គស្នួល។
អធិការស្រុកអង្គស្នួល លោក មាន សំណាង បានឲ្យដឹងថា គ្រោះថ្នាក់ចរាចរណ៍នោះ កើតឡើងដោយសារតែរថយន្តដឹកកម្មករ–កម្មការិនីចំនួនពីរគ្រឿងបានបុកគ្នា បណ្តាលឲ្យរថយន្តបែកកញ្ចក់និងកំពិតកាងពីមុខ។ ចំណែកកម្មករប្រហែល៦០នាក់ដែលជិះលើរថយន្តទាំងពីរលោកថា មិនមានអ្នកណារងរបួសនោះទេ។
លោក សំណាង បញ្ជាក់ថា ក្រោយពីកើតហេតុម្ចាស់រថយន្តដឹកកម្មករបានសម្របសម្រួលគ្នាបញ្ចប់រឿង និងបញ្ជូនកម្មករទៅធ្វើការជាធម្មតា៕