មេដឹកនាំបក្សកាន់អំណាច លោក ហ៊ុន សែន បានប្រកាសថា ការបង្កើតរដ្ឋាភិបាលថ្មីនឹងត្រូវប្តូរមកត្រឹមថ្ងៃទី៦ ខែកញ្ញាវិញដើម្បីបើកផ្លូវឲ្យលោកបានទៅថ្លែងការណ៍នៅមហាសន្និបាទសង្គការសហប្រជាតិ។
កាលពីសប្តាហ៍មុន លោក ហ៊ុន សែន ថ្លែងថា តាមច្បាប់រដ្ឋាភិបាលថ្មីនឹងត្រូវបង្កើតឡើង នៅថ្ងៃទី២០ ខែកញ្ញាក្រោយពីការបោះឆ្នោតបានធ្វើឡើងនៅថ្ងៃអាទិត្យទី២៩ខែកក្កដា។
ប៉ុន្តែក្នុងពិធីជួបកម្មករនៅខេត្កកំពង់ស្ពឺ នៅថ្ងៃពុធទី៨ ខែសីហា លោក ហ៊ុន សែន ថ្លែងថា រដ្ឋាភិបាលថ្មីនឹងត្រូវបង្កើតឡើងនៅថ្ងៃទី៦ ខែកញ្ញាវិញ ។
បើតាមមេដឹកនាំរូបនេះ ព្រឹកថ្ងៃពុធទី៥ ខែកញ្ញ សភានឹងបើកកិច្ចប្រជុំលើកដំបូងក្រោមព្រះរាជអធិបតីរបស់ព្រះមហាក្សត្រ។ ថ្ងៃរសៀលសភានឹងចូលស្បថចូលកាន់ដំណែង។ ថ្ងៃបន្ទាប់ បង្កើតក្បាល់ម៉ាស៊ីនរបស់រដ្ឋសភានិងរដ្ឋាភិបាល។
លោក ហ៊ុន សែន អះអាងដែរថា ការបង្កើតរដ្ឋាភិបាលថ្មី មុនប្រតិទិនកំណត់នេះ មិនខុសច្បាប់ទេ ហើយថាជាការបើកផ្លូវមួយឲ្យនាយករដ្ឋមន្ត្រីកើតក្រោយបោះឆ្នោត បានទៅចូលរួមប្រកិច្ចប្រជុំសំខាន់ៗ នៅសហភាពអឺរ៉ុប និងនៅអង្គការសហប្រជាជាតិ ដែលគ្រោងធ្វើនៅខែតុលា។