សមត្ថកិច្ចនគរបាលប្រឆាំងគ្រឿងញៀនខេត្តព្រះសីហនុ បានឃាត់ខ្លួនមនុស្សចំនួន ៥៣នាក់នៅថ្ងៃនេះ ពាក់ព័ន្ធនឹងការចែកចាយ និងប្រើប្រាស់ថ្នាំញៀននៅក្នុងខេត្តជាប់ឆ្នេរសមុទ្រមួយនេះ។
ស្នងការនគរបាលខេត្តព្រះសីហនុ លោក ជួន ណារិន្ទ ប្រាប់វីអូឌីនៅថ្ងៃនេះថា កម្លាំងសមត្ថកិច្ចចម្រុះ បានចុះបង្ក្រាបករណីប្រើប្រាស់គ្រឿងញៀននៅក្នុងក្លឹបស្កាយឡាញ ស្ថិតនៅក្នុងសង្កាត់លេខ ៤ ក្រុងព្រះសីហនុ កាលពីម៉ោង ២រំលងអធ្រាត្រ ថ្ងៃនេះ ដោយឃាត់ខ្លួនជនសង្ស័យ ៥៣នាក់។
លោកបន្តថា មនុស្សទាំង ៥៣នាក់ ក្នុងនោះ មានជនជាតិចិន ១០នាក់ ឥណ្ឌូនេស៊ី ១៧នាក់ កូរ៉េ ០២នាក់ និងជនជាតិខ្មែរចំនួន ២៤នាក់ ដែលបានប្រើប្រាស់បានថ្នាំញៀន ហើយក្នុងការចុះបង្ក្រាបនោះ សមត្ថកិច្ចប្រមូលបានថ្នាំញៀនខេតាមីន និងអិចស្តាស៊ីចំនួន ២៦កញ្ចប់ ដបថ្នាំញៀនសម្រាបប់លាយជាមួយទឹកចំនួន ៤ដបផងដែរ៕
