រដ្ឋបាលខេត្តកោះកុងបញ្ជាទៅអាជ្ញាធរពាក់ព័ន្ធចាត់វិធានការច្បាប់លើអ្នកដែលប្រើប័ណ្ណ សម្គាល់សិទ្ធិកាន់កាប់ប្រើប្រាស់ដីធ្លីនៅក្នុងតំបន់ដែនជម្រកសត្វពាមក្រសោបខុសច្បាប់ ដែលមិនមានក្នុងគល់បញ្ជីក្បាលដី។
ក្នុងសេចក្តីជូនដំណឹងរបស់រដ្ឋបាលខេត្តកោះកុងចុះផ្សាយកាលពីថ្ងៃទី២០ ខែសីហា បញ្ជាទៅសមត្ថកិច្ចពាក់ព័ន្ធ ចាត់វិធានការលើប្រជាពលរដ្ឋដែលប្រើប្រាស់ប័ណ្ណសម្គាល់សិទ្ធិកាន់កាប់ប្រើប្រាស់ដីធ្លីនៅក្នុងតំបន់ដែនជម្រកសត្វព្រៃពាមក្រសោបខុសច្បាប់ ឬពុំមានក្នុងគល់បញ្ជីក្បាលដី ត្រូវប្រគល់ឲ្យរដ្ឋបាលខេត្តកោះកុងធ្វើមោឃភាព ។
សេចក្តីជូនដំណឹងដដែលបញ្ជាក់ថា រាល់ការកាប់គាស់ រុករានដីព្រៃ ឆ្ការ ដុត ឈូសឆាយដីព្រៃ សង់ផ្ទះ តូប និងសង់រោង ដើម្បីយកដីធ្វើជាកម្មសិទ្ធិក្នុងំបន់ដែនជម្រកសត្វព្រៃពាមក្រសោប ជាអំពើល្មើសច្បាប់ និងចាត់វិធានការច្បាប់ជាដើម៕
