ក្រុមអ្នកស៊ើបអង្កេតរបស់អង្គការសហប្រជាជាតិ បានអំពាវនាវឲ្យមានការដាក់ទោសក្រុមយោធាជាន់ខ្ពស់មីយ៉ាន់ម៉ា៦នាក់ក្រោមពីបទប៉ុនប៉ងធ្វើឧក្រិដ្ឋកម្មប្រល័យពូជសាសន៍និងឧក្រិដ្ឋកម្មសង្រ្គាម។ នេះបើតាមការចុះផ្សាយរបស់សារព័ត៌មានវ៉ាស៊ីនតុនប៉ុស្តិ៍។
តាមប្រភពដដែល ក្រុមមន្រ្តីអង្គការសហប្រជាជាតិដែលធ្វើការសិក្សាស្វែងរកការពិតនៃការចោទប្រកាន់ពីការរំលោភសិទ្ធិមនុស្សនៅមីយ៉ាន់ម៉ានៅថ្ងៃនេះ បានស្មើឲ្យមានការស៊ើបអង្កេតនិងកាត់ទោសលើប្រមុខកងទ័ពមីយ៉ាន់ម៉ាឧត្តមសេនី Min Aung Hlaing និងមន្រ្តីយោធាឧត្តមសេនីក្រោមបង្គាបើលោកប៥នាក់ទៀតពីបទប្រល័យពូជសាសន៍លើជនជាតិរ៉ូហ៊ីងយ៉ា និងឧក្រិដ្ឋសង្រ្គាមប្រឆាំងជនជាតិនោះ។
ក្រុមអ្នកស៊ើបអង្កេតរបស់អង្គការសហប្រជាជាតិទាំងនោះ បានអំពាវនាវឲ្យក្រុមប្រឹក្សាសន្តិសុខអង្គការសហប្រជាជាតិ ស្នើទៅតុលាការឧក្រិដ្ឋកម្មអន្តរជាតិ ឬក៏បង្កើតតុលាការណាមួយ ដើម្បីជំនុំជម្រះក្រុមមន្រ្តីយោធោជាន់ខ្ពស់ទាំង៦នាក់នោះ។
ពួកគេក៏បានអំពាវឲ្យក្រុមប្រឹក្សាសន្តិសុខអង្គការសហប្រជាជាតិដាក់ទណ្ឌកម្មដោយផ្ទាល់លើក្រុមមន្រ្តីយោធោជាន់ខ្ពស់ទាំង៦ រូបនោះរួមមានការហាមឃាត់ការធ្វើដំណើរ និងការបង្កកទ្រពសម្បត្តិជាដើម។
កាលពីខែសីហាឆ្នាំមុន ក្រុមយោធាភូមាបានធ្វើការបង្រ្កាបដោយហិង្សាលើក្រុមអ្នកភូមិជនជាតិរ៉ូហ៊ីងយ៉ានៅរដ្ឋរ៉ាឃីន ដើម្បីជាការឆ្លើយតបនឹងកងទ័ពសង្គ្រោះអារ៉ាកានរ៉ូហ៊ីងយ៉ាដែលបានបើកការវាយប្រហារលើប៉ុស្តិ៍នគរបាលនិងមូលដ្ឋានយោធាភូមាចំនួន៣០។
ក្នុងការបង្រ្កាបនោះមនុស្ស១០នាក់ត្រូវបានគេរាយការណ៍ថាត្រូវបានសម្លាប់ដោយពួកយោធា ហើយភូមិជនជាតិរ៉ូហ៊ីងយ៉ាជាច្រើនត្រូវបានដុតបំផ្លាញ។ ជនជាតិរ៉ូហ៊ីងយ៉ា ប្រហែល៧០ម៉ឺននាក់បានភៀសខ្លួនចេញពីតំបន់នោះទៅប្រទេសបង់ក្លាដេសនៅពេលមានការបង្រ្កាបនោះ៕
