សាលាដំបូងរាជធានីភ្នំពេញ នឹងប្រកាសសាលក្រមសម្រេចសំណុំរឿងជនជាតិអូស្ត្រាលី លោក James Ricketson នៅចុងខែសីហា។
បន្ទាប់ពីការបើកសវនាការពេញមួយថ្ងៃកាលពីម្សិលមិញ ប្រធានក្រុមប្រឹក្សាជុំនុំជម្រះបានថ្លែងថា សាលក្រមសម្រេចលើរឿងក្តីរបស់ជនជាតិអូស្ត្រាលីរូបនេះ នឹងប្រកាសនៅថ្ងៃទី៣១ខែសីហា។
លោកJames Ricketson រងការចោទថា ជាចារកម្មលួចប្រមូលព័ត៌មានពីកម្ពុជា ប៉ុន្តែលោកបដិសេធការចោទប្រកាន់នេះ លោកថា អ្វីដែលលោកបានធ្វើគ្រាន់តែបំពេញតាមវិជ្ជាជីវៈសារព័ត៌មានតែប៉ុណ្ណោះ។
លោក Ricketson ត្រូវបានសមត្ថកិច្ចចាប់ឃុំខ្លួននៅក្នុងខែមិថុនា ឆ្នាំ២០១៧ បន្ទាប់ពីលោកបានបង្ហោះដ្រូនដើម្បីថតសកម្មភាពឃោសនាបោះឆ្នោតឃុំសង្កាត់របស់គណបក្សសង្គ្រោះជាតិ។