រដ្ឋមន្ត្រីក្រសួងមហាផ្ទៃលោក ស ខេង អះអាងថា គណបក្សកាន់អំណាច ជាអ្នកផ្តួចផ្តើមឲ្យមានលំហប្រជាធិបតេយ្យនៅកម្ពុជា ដែលផ្ទុយពីការវាយប្រហាររបស់មជ្ឍដ្ឋានប្រឆាំង។
ក្នុងពិធីជួបសកម្មជននៅខេត្តបាត់តំបង កាលពីថ្ងៃទី២៣ កញ្ញា លោក ស ខេង ថ្លែងថា មជ្ឍដ្ឋានប្រឆាំងបានចោទបក្សកាន់ថាថា បានធ្វើឲ្យលទ្ធិប្រជាធិបតេយ្យនៅកម្ពុជាដើរថយក្រោយ។ លោកថា ការរិះគន់បែបនេះខុសពីការពិត។
រដ្ឋមន្ត្រីក្រសួងមហាផ្ទៃលោក ស ខេង
បើតាមលោក ស ខេង ដោយសារតែគណបក្សប្រជានជនកម្ពុជា ចង់ឲ្យមាលំហប្រជាធិបតេយ្យ ទើបបើកឱកាសឲ្យមានគណបក្សច្រើនចូលរួមប្រកួតការបោះឆ្នោត និងបើកឲ្យមានសារព័ត៌មានសេរីដូចបច្ចុប្បន្ន។
មេដឹកនាំបក្សកាន់អំណាចរូបនេះ បានវាយប្រហាចំៗថា គណបក្សប្រឆាំងទៅវិញទេ ជាអ្នកបំផ្លាញលទ្ធិប្រជាធិបតេយ្យ តាមរយៈដឹកនាំធ្វើបាតុកម្មប្រឆាំងលទ្ធផលបោះឆ្នោត និបង្កើតបដិវត្តពណ៌ផ្តួលរំលំរដ្ឋាភិបាលស្របច្បាប់។
តំណាងរាស្ត្របក្សប្រឆាំងដែលត្រូវបានរំលាយ លោក អ៊ូ ច័ន្ទរ័ត្ន និយាយថា ការតវ៉ាកន្លងទៅ ជាសេរីភាពបញ្ចេញមតិធានាដោយរដ្ឋធម្មនុញ្ញ ។
អតីតតំណាងរាស្ត្របក្សប្រឆាំងរូបនេះ អះអាងថា ការដែលបក្សកាន់អំណាច ធ្វើច្បាប់រំលាយគណបក្សសង្គ្រោះជាតិ មុនរកឃើញកំហុស ជាចេតនាសម្លាប់ប្រជាធិបតេយ្យ មិនមែនបើកលំហប្រជាធិបតេយ្យទេ។
អតីតតំណាងរាស្ត្របក្សប្រឆាំងលោក អ៊ូ ច័ន្ទរ័ត្ន
អ្នកវិភាគបញ្ហាសង្គម លោក ហង្ស វិទូ លើកឡើងថា របត់នយោបាយពេលនេះ បានធ្វើឲ្យលំហប្រជាធិបតិយ្យរួមតូច។ លោកជំរុញឲ្យអ្នកនយោបាយខ្មែរ គួរឈប់សាចទឹកដាក់គ្នា ហើយទទួលស្គល់ការពិតស្វែងរកដំណោះស្រាយនយោបាយ ដើម្បីបញ្ចៀសកម្ពុជាកុំឲ្យរងការដាក់ទណ្ឌកម្មពីសហគមន៍អន្តរជាតិ ។
អ្នកវិភាគបញ្ហាសង្គម លោក ហង្ស វិទូ
សហរដ្ឋអាមេរិក និងសហភាពអឺរ៉ុប បាននាំមុខគេ គំរាមពីវិធានការដាក់ទណ្ឌកម្ម ដល់រដ្ឋាភិបាលកម្ពុជា បើមិនស្តាប្រជាធិបតេយ្យឡើងវិញ ដោយទាមទារឲ្យបើកផ្លូវឲ្យគណបក្សប្រឆាំងបានចូលប្រឡូកក្នុងឆាកនយោបាយឡើងវិញដោយគ្មានការគំរាមកំហែង និងត្រូវសងមកវិញនូវអាសនៈឃុំ សង្កាត់ ដែលបានរឹបអូសមកឲ្យអតីតបក្សប្រឆាំងវិញ៕
