របាយការណ៍គណៈកម្មាធិការជាតិរៀបចំការបោះឆ្នោត បង្ហាញថាអ្នកបោះឆ្នោតថ្មីមានចំនួនជាង១៧ម៉ឺននាក់បានចុះឈ្មោះក្នុងរយៈពេល១៥ថ្ងៃកន្លងមកនេះ។
យោងតាមសេចក្តីប្រកាសព័ត៌មានរបស់គណៈកម្មាធិការជាតិរៀបចំការបោះឆ្នោតដែលចេញផ្សាយនៅថ្ងៃទី១៦ខែតុលាឆ្នាំ២០១៨នេះ តួលេខនៃអ្នកចុះឈ្មោះបោះឆ្នោតថ្មីមាន១៧១ ៩២៩ នាក់ អ្នកដែលត្រូវបានលុបចេញពីបញ្ជីមានចំនួន៣៤០០៨ នាក់ និងអ្នកដែលកែតម្រូវទិន្នន័យមាន១២៦៦នាក់។ ក្នុងសេចក្តីប្រកាសព័ត៌មានដដែល គណៈកម្មាធិការជាតិរៀបចំការបោះឆ្នោត ក៏បានអំពាវនាវឲ្យពលរដ្ឋដែលមិនទាន់បានចុះឈ្មោះ និងពិនិត្យឈ្មោះបោះឆ្នោតអញ្ជើញទៅចុះឈ្មោះ និងពិនិត្យឈ្មោះឲ្យបានគ្រប់គ្នា ព្រោះថានៅសល់ពេលតែ៣ថ្ងៃទៀតប៉ុណ្ណោះ។
គណៈកម្មាធិការជាតិរៀបចំការបោះឆ្នោត ចាប់ផ្ដើមដំណើរការពិនិត្យ និងចុះឈ្មោះបោះឆ្នោតឆ្នាំ២០១៨ ចាប់ពីថ្ងៃទី១ រហូតដល់ថ្ងៃទី១៨ ខែតុលា៕