កម្ពុជានឹងបញ្ជូនកងវិស្វកម្មចំនួនជាង២០០នាក់ទៅបំពេញបេសកកម្មនៅសាធារណរដ្ឋអាហ្វ្រិកកណ្តាលក្នុងក្របខណ្ឌអង្គការសហប្រជាជាតិ។
តាមសេចក្តីប្រកាសព័ត៌មានរបស់ក្រសួងការពារជាតិនៅថ្ងៃនេះ បានឲ្យដឹងថា ក្រសួងនឹងបញ្ជូនកងវិស្វកម្មលេខ៥៩៤ចំនួន២១៦នាក់ ក្នុងនោះមាននារីចំនួន១០នាក់ទៅបំពេញបេសកកម្មនៅអាហ្វ្រិកកណ្តាល។
លោក ប៉ុល សារឿន ទេសរដ្ឋមន្ត្រីទទួលបន្ទុកបេសកកម្មពិសេស នឹងធ្វើពិធីជូនដំណើរ នៅព្រឹកថ្ងៃទី២ ខែវិច្ឆិកា ឆ្នាំ២០១៨ នៅមូលដ្ឋានទ័ពអាកាសពោធិ៍តុង។
នៅក្នុងសេចក្តីប្រកាសដដែលឲ្យដឹងទៀតថា កងវិស្វកម្មនិងកងរាជអាវុធហត្ថកម្ពុជាជិត ៣០០នាក់ក៏ត្រឡប់ពីការបំពេញបេសកកម្មក្រោមលក្ខខណ្ឌអង្គការសហប្រជាតិនៅថ្ងៃទី៥ខែវិច្ឆិកា។
