អាជ្ញាធរខេត្តក្រចេះប្រកាសផ្អាករថយន្តធុនធ្ងន់ទាំងអស់មិនឲ្យធ្វើចរាចរណ៍ឆ្លងកាត់ស្ពានមួយ ដែលកំពុងទ្រុឌទ្រោមដោយសារតែទឹកជំនន់លិចកាលពីប៉ុន្មានខែមុន។
តាមសេចក្តីជូនដំណឹងរបស់រដ្ឋបាលខេត្តក្រចេះកាលពីថ្ងៃទី២៩ ខែតុលា បានបញ្ជាក់ថា ស្ពាន ពាមទេរ ស្ថិតនៅលើកំណាត់ផ្លូវជាតិលេខ៧៣ (ឆ្លូង-ក្រចេះ) ស្ថិតនៅព្រំប្រទល់រវាងស្រុកចិត្រ បុរី និងក្រុងក្រចេះ មានភាពទ្រុឌទ្រោមជើងទម្រក្រោម។
រដ្ឋបាលខេត្តក្រចេះបញ្ជាក់ថា ដើម្បីចៀសវាងគ្រោះថ្នាក់ផ្សេងៗកើតឡើងទើបអាជ្ញាធរ សម្រេចផ្អាកបណ្តោះអាសន្នចាប់ពីថ្ងៃជូនដំណឹង។
