សាលារាជធានីភ្នំពេញបានហាមកាណូតដឹកអ្នកដំណើរគ្រប់ប្រភេទចរាចរណ៍នៅកន្លែងរៀបចំពិធីបុណ្យអុំទូកនៅមុខព្រះបរមរាជវាំង ដើម្បីចៀសវាងបាតុភាពផ្សេងៗកើតឡើង។
នៅក្នុងសេចក្តីជូនដំណឹងរបស់សាលារាជធានីភ្នំពេញចុះថ្ងៃទី១៣ ខែវិច្ឆិកា ឲ្យដឹងថា កាណូតដឹកជញ្ជូនតាមដងទន្លេសាប ទន្លេមេគង្គ និងទន្លេបាសាក់ ត្រូវផ្អាកចាប់ពីថ្ងៃទី១៩ ដល់ថ្ងៃទី២៥ ខែវិច្ឆិកា ឆ្នាំ២០១៨។ សេចក្តីជូនដំណឹងបញ្ជាក់ថា មូលហេតុនៃការផ្អាកនេះ ដើម្បីរក្សាសន្តិសុខសណ្តាប់ធ្នាប់ ក្នុងពិធីបុណ្យអុំទូក។
សាលារាជធានីភ្នំពេញឲ្យដឹងទៀតថា កីឡាករ និងកាឡាការិនី មកពីតាមបណ្តាខេត្តមកដល់ភ្នំពេញពេញនៅថ្ងៃទី១៩ ចំណែកពិធីបុណ្យអុំទូកនឹងចាប់ផ្តើមពីថ្ងៃទី២១ ដល់ថ្ងៃទី២៣ ខែវិច្ឆិកា។