នគរបាលប្រឆាំងបទល្មើសសេដ្ឋកិច្ចខេត្តសៀមរាប កាលពីម្សិលមិញបានចុះត្រួតពិនិត្យ ហើយបិទហាងលក់គ្រឿងក្រអូបមួយកន្លែងដោយចោទថា មិនមានច្បាប់អនុញ្ញាតឲ្យបើក និងលក់ផលិតផលក្លែងក្លាយ។
តាមការចុះផ្សាយរបស់អគ្គស្នងការដ្ឋាននគរបាលជាតិបានឲ្យដឹងថា ហាងដែល សមត្ថកិច្ច បិទនេះ មានឈ្មោះ «សុខ បញ្ញាពេជ្រ» មានទីតាំងនៅតាមបណ្តោយ ផ្លូវជាតិលេខ៦ ក្នុងភូមិ ដកពោធិ៍ សង្កាត់ស្លក្រាម ក្រុងសៀមរាប។
គ្រឿងក្រអូបដែលសមត្ថកិច្ចចាត់ទុកថា ជាទំនិញក្លែងក្លាយនៅក្នុង ហាងនេះមានចំនួន១១ ប្រភេទស្មើនឹង១៧០៦ប្រអប់។
ចំណែកម្ចាស់ហាងឈ្មោះ ជា ដារ៉េត ភេទប្រុស អាយុ៣៥ឆ្នាំ ត្រូវសមត្ថកិច្ចឃាត់ខ្លួនយកទៅ សាកសួរនៅស្នងការដ្ឋាន។