កូនប្រុសលោក ជាម យៀប ត្រូវបានតែងតាំងជាអភិបាលខេត្តត្បូងឃ្មុំ​

ព្រះមហាក្សត្រត្រាស់បង្គាប់តែងតាំង កូនប្រុសលោកជាម យៀប ឲ្យទទួលតំណែងជាអភិបាលខេត្តត្បូងឃ្មុំជំនួសលោក លី ឡេង ដែលត្រូវទទួលតួនាទីថ្មី។​

យោងតាមព្រះរាជក្រឹត្យ ចុះថ្ងៃទី១៣ ខែវិច្ឆិកា ឆ្នាំ២០១៨នេះ  លោក ជាម ច័ន្ទសោភ័ណ្ឌ អតីតអភិបាលរងខេត្តបាត់ដំបង ត្រូវបានតែងតាំងជាអភិបាលខេត្តត្បូងឃ្មុំជំនួសលោក លី ឡេង។

លោក ជាម ច័ន្ទសោភ័ណ្ឌ ជាកូនប្រុសលោក ជាម យៀប។ លោក ជាម យៀប ជាតំណាងរាស្ត្រ និងជាមន្ត្រីជាន់ខ្ពស់គណបក្សប្រជាជនកម្ពុជា។​

យោងតាមលិខិតជូនដំណឹងរបស់ក្រសួងមហាផ្ទៃការប្រកាសចូលកាន់តំណែងជាផ្លូវការ របស់អភិបាល អភិបាលរង នៃគណៈអភិបាលខេត្តត្បូងឃ្មុំនឹងធ្វើឡើងនាព្រឹកថ្ងៃទី១៥ ខែវិច្ឆិកា ឆ្នាំ២០១៨ មានការចូលរួមពីលោក​ ស ខេង ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ។