របាយការណ៍នគរបាលបង្ហាញថា គ្រោះថ្នាក់ចរាចរណ៍ថ្ងៃទី១នៃព្រះរាជពិធីបុណ្យអុំទូក បណ្តាលឲ្យមនុស្ស៣នាក់ស្លាប់ និង១៧នាក់រងរបួស។
របាយការណ៍ដែលផ្សព្វផ្សាយដោយអគ្គស្នងការនគរបាលជាតិកាលពីម្សិលមិញបង្ហាញថា ក្នុងចំណោមអ្នកស្លាប់៣នាក់នោះគឺមានស្រីម្នាក់ ចំណែកអ្នករងរបួសមានធ្ងន់១០នាក់ និងស្រាល៧នាក់។
នគរបាលបញ្ជាក់ថា មូលហេតុនៃគ្រោះថ្នាក់ចរាចរណ៍គឺ មានបើកលើសល្បឿនកំណត់ បើកប្រជែង និងមិនគោរពសិទ្ធិអាទិភាពជាដើម។ គ្រោះថ្នាក់នេះបណ្តាល ឲ្យខូចយានយន្ត ២១គ្រឿង។