ក្រុមសិល្បករ និងអ្នកផលិតករវីដេអូអប់រំមួយក្រុម ថានឹងរៀបចំការប្រគុំតន្ត្រីមួយនៅដើមឆ្នាំ២០១៩ខាងមុខនេះ ដើម្បីប្រមូលថវិការជួយដល់ជនជាតិបរទេសបរទេសម្នាក់ដែលកំពុងចូលរួមអភិរក្សសត្វព្រៃ និងព្រៃឈើនៅភ្នំត្នោត ក្នុងខេត្តព្រះវិហារ ។
ផលិតករវីដេអូអប់រំ លោក តាន់ គឹមសួរ ជាអ្នកផ្ដួចផ្ដើមគម្រោងរៀបចំប្រគុំតន្ត្រីមួយនេះមានប្រសាសន៍ថា កម្មវិធីប្រគុំតន្ត្រីនេះនឹងប្រព្រឹត្តទៅនូវថ្ងៃទី០៦ ខែមករា ឆ្នាំ២០១៩ នៅស្រុកសង្គមថ្មីខេត្តព្រះវិហារដែលជាកន្លែងដែលជនបរទេសនោះរស់នៅ។ តាមលោក តាន់ គឹមសួរ ជនបរទេសនោះមានឈ្មោះថា Ben Davis ជាជនជាតិអាមេរិកដែលបានមករស់នៅប្រទេសកម្ពុជា២៧ឆ្នាំ ហើយបានចាប់ផ្ដើមរស់ក្នុងព្រៃដើម្បីថែររក្សាការពារព្រៃឈើនៅតំបន់ភ្នំត្នោតខេត្តព្រះវិហារ រយៈពេល៦ឆ្នាំកន្លងមកហើយជាមួយនិងប្រពន្ធ និងកូនស្រី២នាក់របស់គាត់។
លោក តាន់ គឹមសួរ បានឲ្យដឹងបន្ថែមថាថវិការដែលបានមកពីការប្រគុំតន្រ្តីនេះនឹងចូលរួមជួយដោះស្រាយវិបត្តិហិរញ្ញវត្ថុរបស់លោក Ben Davisដើម្បីអោយគាត់អាចបន្តបេសក កម្មការពារព្រៃឈើតទៅទៀតបាន។ លោកបន្តថា វាក៏ជាការលើកទឹកចិត្តដល់លោក Ben Daviនិងគ្រួសារគាត់ផងដែរថាប្រជាជនកម្ពុជាមិនបោះបង់ពួកគាត់នោះទេ៕
