ព្រះមហាក្សត្រ បានចេញព្រះរាជក្រឹត្យតែងតាំងទីប្រឹក្សាគណៈកម្មាធិការជាតិរៀបចំការបោះឆ្នោត ៦នាក់ ដែលមានឋានៈស្មើអនុរដ្ឋលេខាធិការបន្ថែមពីលើមុខងារបច្ចុប្បន្ន។
ក្នុងព្រះរាជក្រឹត្យចុះថ្ងៃទី២៤ ខែវិច្ឆិកា ឆ្នាំ២០១៨ ព្រះករុណាព្រះបាទសម្ដេចបរមនាថ នរោត្តម សីហមុនី បានត្រាស់បង្គាប់តែងតាំងនិងផ្ដល់ឋានៈជាទីប្រឹក្សា គ.ជ.ប ចំនួន៦នាក់គឺលោក ខន កែវមនោ លោក តុប ឫទ្ធី លោក ជិន សារិន លោកមុំ សុទ្ធ លោក អ៊ឹង ស៊ីតេក និងលោក សយ សាខន។
ការតែងតាំងទីប្រឹក្សា គ.ជ.ប ទាំង៦នាក់នេះ ធ្វើឡើងតាមការទូលថ្វាយរបស់ប្រធានគណកម្មាធិការជាតិរៀបចំការបោះឆ្នោត៕
