នយោបាយ

កូនប្រុសលោក ទៀ បាញ់ ត្រូវបានតែងតាំងជាអភិបាលខេត្តសៀមរាប

លោក ស៊ុន សុខេន
| ១១ ធ្នូ ២០១៨
ម៉ោង ១១:២៤

លោក ទៀ សីហា កូនប្រុសពៅរបស់លោក ទៀ បាញ់ រដ្ឋមន្រ្តីក្រសួងការពារជាតិ។ រូបភាព៖ បណ្ដាញសង្គម

កូនប្រុសពៅរបស់លោក ទៀ បាញ់ រដ្ឋមន្រ្តីក្រសួងការពារជាតិ ត្រូវបានព្រះមហាក្សត្រចេញព្រះរាជក្រឹតតែងតាំងជាអភិបាលខេត្តសៀមរាបជំនួសលោក ឃឹម ប៊ុនសុង។

ព្រះរាជក្រឹតដែលឡាយព្រហស្ថលេខាដោយព្រះករុណាព្រះបាទសម្តេចព្រះបរមនាថ នរោត្តម សីហមុនី បានត្រាស់បង្គាប់តែងតាំងលោក ទៀ សីហា ជាអភិបាលនៃគណៈអភិបាលខេត្តសៀមរាប។ ព្រះរាជក្រឹតចុះថ្ងៃទី៦ ខែធ្នូ ឆ្នាំ២០១៨ដដែលនេះ ឲ្យដឹងការត្រាស់បង្គាប់តែងតាំងលោក ទៀ សីហា ធ្វើឡើងតាមការក្រាបបង្គំទូលថ្វាយរបស់លោកនាយករដ្ឋមន្រ្តីហ៊ុន សែន។

លោក ទៀ សីហា បានឡើងកាន់ដំណែងជាអភិបាលរងខេត្តសៀមរាបជំនួស លោក គឹម ឆៃហៀង កាលពីខែសីហាឆ្នាំមុន។

កាលពីថ្ងៃទី១៣ ខែវិច្ឆិកា ឆ្នាំ២០១៨ កន្លងទៅព្រះមហាក្សត្រ ក៏បានត្រាស់បង្គាប់តែងតាំង កូនប្រុសលោក ជាម យៀប ដែលជាមន្រ្តីជាន់ខ្ពស់គណបក្សប្រជាជនកម្ពុជា ឲ្យទទួលតំណែងជាអភិបាលខេត្តត្បូងឃ្មុំ ជំនួសលោក លី ឡេង ផងដែរ៕

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។