អភិបាលកិច្ច

កម្ពុជា-ថៃ សហការគ្នាសម្អាតមីននៅតាមព្រំដែន

កញ្ញា ស៊ីម ដាណេ
| ១៣ ធ្នូ ២០១៨
ម៉ោង ១១:៤១

នៅថ្ងៃពុធ ទី១២ ខែធ្នូ ឆ្នាំ២០១៨ នៅខេត្តស្រះកែវ ប្រទេសថៃ គណប្រតិភូមជ្ឈមណ្ឌលកំចាត់មីនកម្ពុជាជួបប្រជុំជាមួយ ឧត្តមសេនីយ៍ឯក Sittipol Nimnuan អគ្គនាយកមជ្ឈមណ្ឌលសកម្មភាពកំចាត់មីនថៃ(TMAC)ដើម្បីពិភាក្សាស្តីអំពីការកំណត់ជ្រើសរើសចំការមីនតាមបណ្តោយព្រំដែនកម្ពុជា-ថៃ។ រូបភាព៖ ហ្វេសប៊ុក HENG Ratana

គណប្រតិភូមជ្ឈមណ្ឌលកំចាត់មីនកម្ពុជា (CMAC) បានជួបប្រជុំជាមួយអគ្គនាយកមជ្ឈមណ្ឌលសកម្មភាពកំចាត់មីនថៃ(TMAC) ដើម្បីសហការដោះមីននៅតាមព្រំដែនថៃ-កម្ពុជា សម្រាប់ការអភិវឌ្ឍន៍តំបន់សេដ្ឋកិច្ចពិសេសតាមបណ្តោយព្រំដែននៃប្រទេសទាំងពីរ នៅថ្ងៃទី១២ ខែធ្នូ ឆ្នាំ២០១៨។

យោងតាមទំព័រហ្វេសប៊ុកផេករបស់ អគ្គនាយកមជ្ឈមណ្ឌលកំចាត់មីនកម្ពុជា លោក ហេង រតនា បានឲ្យដឹងថា នៅថ្ងៃពុធម្សិលមិញ លោកបានដឹកនាំគណប្រតិភូកម្ពុជា ជួបប្រជុំជាមួយ អគ្គនាយក TMAC លោក Sittipol Nimnuan នៅខេត្តស្រះកែវ ប្រទេសថៃ ដើម្បីពិភាក្សាស្ដីពីការកំណត់ចំការមីនតាមបណ្តោយព្រំដែនកម្ពុជា-ថៃ ដើម្បីគាំទ្រការអភិវឌ្ឍតំបន់សេដ្ឋកិច្ចពិសេស និងតំបន់នានាតាមបណ្តោយព្រំដែន។ កិច្ចប្រជុំនេះអនុលោមតាមស្មារតីអង្គប្រជុំនិងការសម្រេចរបស់គណៈកម្មាធិការព្រំដែនទូទៅកម្ពុជា-ថៃ (GBC) នាពេលកន្លងមក។

ប្រភពដដែលបានឲ្យដឹងថា ភាគីទាំងពីរបានព្រមព្រៀងគ្នាក្នុងការបោសសម្អាតមីនតាមព្រំដែន ដោយចែកចេញជាពីជំហានសម្រាប់បោសសម្អាត។

យោងតាមអនុសញ្ញាអូតាវ៉ា ប្រទេសថៃគ្រោងនឹងត្រូវសម្រេចឲ្យបាននូវការបោសសម្អាតមីនឲ្យអស់នៅឆ្នាំ២០២៣ ខណៈកម្ពុជាកំណត់ឲ្យដោះគ្រាប់មីនប្រឆាំងមនុស្សត្រឹមឆ្នាំ២០២៥។ គិតត្រឹមចុងឆាំ២០១៨ CMAC បានរំដោះដីដែលមានមីនឲ្យពលរដ្ឋបានប្រមាណជាង ១៥០០ គីឡូម៉ែត្រការ៉េ។

រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។