ព្រះមហាក្សត្របំពេញទស្សនកិច្ចនៅវៀតណាម​៣ថ្ងៃ

ព្រះមហាក្សត្រ នរោត្តម សីហមុនី យាងទៅបំពេញទស្សនកិច្ចនៅប្រទេសប្រទេសវៀតណាម​ចំនួន៣ថ្ងៃ គឺចាប់ពីថ្ងៃទី១៩ ដល់ថ្ងៃទី២១ ខែធ្នូ។

តាមព្រះរាជសារចុះថ្ងៃទី១៨ ខែធ្នូម្សិលមិញ គឺព្រះអង្គបំពេញទស្សនកិច្ចនៅទីក្រុងហាណូយនិងទីក្រុងដាណាងនៃប្រទេសវៀតណាម។​

ព្រះរាជសារ៖ «ទូលព្រះបង្គំខ្ញុំព្រះករុណាខ្ញុំសូមព្រះអនុញ្ញាត និងអនុញ្ញាតពីសម្តេចព្រះមហា សង្ឃរាជទាំងពីរគណៈនិងព្រះថេរានុត្ថេរៈគ្រប់ព្រះអង្គ សម្តេច ឯកឧត្តម លោកជំទាវ អស់លោក លោកស្រី លោកតា លោកយាយមាមីង បងប្អុន ក្មួយៗ ជនរួមជាតិទាំងអស់ អវត្តមានពីប្រទេសថ្ងៃទី១៩-២០-២១ ខែធ្នូ ឆ្នាំ២០១៨ទៅ ដើម្បីយាងបំពេញព្រះរាជទស្សនកិច្ចនៅទីក្រុង Hanoi និងទីក្រុង Danang នៃសារណរដ្ឋសង្គមនិយមវៀតណាម តាមសំណើសូម យាងរបស់រដ្ឋាភិបាលនៃសារណរដ្ឋសង្គមនិយមវៀតណាម។»

នៅក្នុងព្រះរាជសារក៏បានបញ្ជាក់ថា ក្នុងពេលព្រះអង្គអវត្តមាននេះលោក សាយ ឈុំ ប្រធាន ព្រឹទ្ធសភា នឹងបំពេញតួនាទីជាប្រមុខរដ្ឋស្តីទី។​​