បុគ្គលិកក្រុមហ៊ុនតបណ្តាញអគ្គិសនីចំនួនពីរនាក់របស់ក្រុមហ៊ុនឯកជន បានស្លាប់ដោយសារ ការឆក់នៅពេលបំពេញការងារនៅក្នុងខេត្តព្រះសីហនុ។
តាមការចុះផ្សាយរបស់អគ្គស្នងការដ្ឋាននគរបាលជាតិគឺហេតុការណ៍នេះកើតឡើងកាលពីថ្ងៃទី២០ ខែធ្នូ ឆ្នាំ២០១៨ វេលាម៉ោង១៤និង៤០នាទី នៅលើបង្គោលភ្លើងចំណុចមុខសណ្ឋាគារស៊ីហ៊ូ ស្ថិតនៅក្រុមទី២ ភូមិ១ សង្កាត់លេខ៣ ក្រុង-ខេត្តព្រះសីហនុ ។
សមត្ថកិច្ចមិនបានបញ្ជាក់ថា មានកំហុសបច្ចេកទេសឬ បញ្ហាអ្វីដែលឈានដល់អគ្គិសនី ឆក់អ្នកទាំងពីរស្លាប់នោះទេ។
របាយការណ៍សមត្ថកិច្ចឲ្យដឹងថាបុរសស្លាប់ទាំងពីរគឺម្នាក់ឈ្មោះ អុល ថារិន អាយុ២៦ឆ្នាំស្រុក កំណើតនៅស្រុកស្ទឹងត្រង់ ខេត្តកំពង់ចាម និងម្នាក់ទៀតឈ្មោះធូក សាមិ អាយុក២៧ឆ្នាំ ស្រុកកំណើតនៅស្រុកកំចាយមា ខេត្តព្រៃវែង។
