ស្ថានឯកអគ្គរាជទូតកម្ពុជាប្រចាំនៅប្រទេសឥណ្ឌូនេស៊ី បានអំពាវនាវឲ្យប្រជាពលរដ្ឋប្រុងប្រយ័ត្ននៅតំបន់មួយចំនួននៅក្នុងប្រទេសនោះ ដែលអាចកើតមានបន្ទុះភ្នំភ្លើង។
សេចក្តីជូនដំណឹងរបស់ស្ថានទូតកាលពីម្សិលមិញបានឲ្យដឹងថា អ្នកជំនាញ និងអាជ្ញាធរ ឥណ្ឌូនេស៊ីព្រមានថា អាចនឹងមានបន្ទុះកូនភ្នំភ្លើងនៅក្រាកាទូកា (Anak Krakatoa) ជាថ្មីទៀត បន្ទាប់ពីបន្ទុះកើតឡើងកាលពីយប់ថ្ងៃទី២២ ខែធ្នូ ឆ្នាំ២០១៨។
ស្ថានឯកអគ្គរាជទូតបានឲ្យដឹងថា បើប្រជាពលរដ្ឋខ្មែរនៅតំបន់មានគ្រោះថ្នាក់ខាងលើ ហើយជួបបញ្ហានោះអាចទាក់ទងទៅមន្ត្រីស្ថានទូតតាមរយៈលេខទូរសព្ទ ៦២ ៨១៣ ១៧៥ ១៥៤ ៨៦, ៦២ ៨២១ ១២៣ ៦៨ ៦៣ ៩ និង ៦២ ៨១២ ៨២៥ ៦៦៦ ៥៨។